ஆளே அடையாளம் தெரியாமல் மாறிப்போன 90ஸ் நடிகை ரவளி.. வைரலாகும் லேட்டஸ்ட் புகைப்படம்..

சமீப காலமாகவே சினிமா உலகில் 90களில் வலம் வந்த முன்னணி நடிகைகளின் லேட்டஸ்ட் புகைப்படங்கள் வெளியாகி வைரலாகி வருகின்றன. இந்த வகையில் தற்போது நடிகை ரவளியின்  லேட்டஸ்ட் புகைப்படம் இணையத்தில் பரவி வைரலாகி வருகிறது. ரசிகர்கள்  ஆச்சரியப்படும் அளவிற்கு மாறி இருக்கிறார் நடிகை ரவளி.

ஆந்திர மாநிலத்தைச் சேர்ந்த நடிகை ரவளி சிறு வயதிலிருந்து நடிப்பின் மீது ஆர்வம் அதிக இருப்பதால் முறையாக நடன நாட்டியம்  பயின்றார். இவர் தமிழ் சினிமாவில் மட்டும் இல்லாமல் தெலுங்கு கன்னடம் உள்ளிட்ட மொழிகளிலும் நடித்துள்ளார். 1990 இல் ‘ஜட்ஜ்மெண்ட்’ என்ற மலையாளத் திரைப்படத்தில் முதல் முதலில் அறிமுகமானார். இருப்பினும், அவர் தெலுங்கு திரைலகில் நடித்த படத்தின் மூலம் தான் பிரபலமானார்.

தமிழ் திரையுலகில் ‘பட்டத்து ராணி’ என்ற திரைப்படத்தில் சாந்தி என்ற கதாபாத்திரத்தில் நடித்திருந்தார். அதன் பின்னர், ‘புத்தம்புது பூவே’ என்ற திரைப்படத்தில் நடித்துள்ளார். தமிழ் திரையுலகில் அவருக்கு வரவேற்பு இல்லாததால்  மீண்டும் தெலுங்கு பக்கம் போனார் நடிகை ரவளி. பின்னர், மீண்டும் தமிழில் வந்த நடிகை ரவளி ‘கண்மணியே மறவாதே’ என்ற படத்தில் நடித்துள்ளார்.

மேலும், கஸ்தூரிராஜா இயக்கத்தில் உருவான ‘கரிசக்காட்டு பூவே’ திரைப்படத்தில் நடித்துள்ளார், இந்த திரைப்படத்தின் மூலமும் பிரபலமடையாத நடிகை ரவளி பவித்ரன் இயக்கத்தில் விஜயகாந்த் நடிப்பில் வெளியான ‘திருமூர்த்தி’  என்ற படத்தில் நடித்ததன் மூலமே  தமிழ் திரையுலகில் பிரபலம் அடைந்தார்.  இந்தப் படம் ஆக்சன் படமாக இருந்தது, இந்த படத்தின் நடித்ததன் மூலமே நடிகை ரவளி  ரசிகர்களால் கவனிக்கப்பட்டார்.

அதன் பிறகு தமிழ் திரையுலகில் 20 ஆண்டுகளாக நடிக்க ரவளி  வரவே இல்லை, இருந்தாலும்  தெலுங்கு திரையுலகில் நடித்துக் கொண்டுதான் இருக்கிறார்.  இந்த நிலையில், 2007ஆம் ஆண்டு நீலி கிருஷ்ணா என்பவரை திருமணம் செய்து கொண்டார். திருமணத்திற்கு பிறகும் தெலுங்கு திரையுலகில் நடித்துள்ளார். இவருக்கு  குழந்தைகள் பிறந்ததும் 2011 ஆம் ஆண்டில் இருந்து தெலுங்கு துறை நடிப்பிலும் நடிப்பதை நிறுத்திவிட்டார்.

அவருக்கு தெலுங்கு துறையிலே பல  பட வாய்ப்புகள் வந்த நிலையிலும் குடும்பத்தை  கவனிப்பதையே முழு வேலையாக வைத்து நடிக்க விருப்பமில்லை என்று மறுத்துவிட்டார். இந்த நிலையில் தற்போது நடிகை ரவளியின் லேட்டஸ்ட் புகைப்படம் இணையதளத்தில் பரவி வைரலாகி வருகிறது.