“உடலைத் தொட்டு அவமதித்தார்…” இயக்குநர் மீது நடிகை மோனலிசா பகீர் புகார்… கொச்சியில் பரபரப்பு…!!

உத்தரப் பிரதேசத்தின் கும்பமேளா மூலம் வெளிச்சத்திற்கு வந்த நடிகை மோனலிசா, இந்தித் திரைப்பட இயக்குநர் சனோஜ் மிஸ்ரா மீது கடுமையான பாலியல் புகார்களை முன்வைத்துள்ளார். சமீபத்தில் பர்மான் கான் என்பவரைத் திருமணம் செய்து கொண்ட இவர், படப்பிடிப்பின் போது இயக்குநர் தன்னிடம் பலமுறை அநாகரீகமாக நடந்துகொண்டதாகக் கொச்சியில் செய்தியாளர்களிடம் தெரிவித்துள்ளார். டேராடூன் மற்றும் நேபாளம் போன்ற இடங்களில் நடைபெற்ற படப்பிடிப்பின் போது, இயக்குநர் தனது பெண்மையைத் தவறான முறையில் தீண்டி அவமதித்ததாக அவர் வேதனையுடன் குறிப்பிட்டுள்ளார்.

இந்த விவகாரத்தை ஆரம்பத்திலேயே தட்டிக்கேட்க முடியாததற்குக் குடும்பச் சூழ்நிலையும், பணத்தேவையுமே முக்கியக் காரணம் என்று மோனலிசா உருக்கமாகக் கூறியுள்ளார். தற்போது உண்மைகளை மறைப்பதற்காக இயக்குநர் தனக்கு எதிராகத் தேவையில்லாத அவதூறுகளைப் பரப்பி வருவதாகவும் அவர் குற்றம் சாட்டியுள்ளார். புகழ் மற்றும் பணத்திற்காகத் தனது கௌரவத்தைச் சமரசம் செய்துகொண்ட குடும்பத்தினரின் போக்கையும் சாடியுள்ள அவர், இனிமேலும் மௌனமாக இருக்கப் போவதில்லை என்றும் தனது புகாரில் உறுதியாகத் தெரிவித்துள்ளார்.