பிரபல நடிகையான மீரா வாசுதேவன் கடந்த 2021-ஆம் ஆண்டு சன் டிவியில் ஒளிபரப்பான காவேரி சீரியல் மூலம் தனது பயணத்தை தொடங்கினார். இதனையடுத்து பெண், சூரியவம்சம், சித்தி 2 ஆகிய சீரியல்களில் நடித்தார். பின்னர் வெள்ளித் திரையிலும் அடங்கமறு, ஜெர்ரி, ஆட்டநாயகன் உள்ளிட்ட படங்களில் மீரா வாசுதேவன் நடித்துள்ளார்.
உன்னை சரணடைந்தேன் படத்திற்காக இவருக்கு தமிழ்நாடு அரசின் விருது வழங்கப்பட்டது. கடந்த 2005-ஆம் ஆண்டு ஒளிப்பதிவாளர் அசோக் குமாரின் மகனான விஷால் அகர்வாலை மீரா வாசுதேவன் திருமணம் செய்து கொண்டார். ஆனால் கருத்து வேறுபாடு காரணமாக கடந்த 2010-ஆம் ஆண்டு இருவரும் விவாகரத்து பெற்று பிரிந்து விட்டனர்.
இதனையடுத்து பிரபல வில்லன் நடிகரான ஜான் கொகேன் என்பவரை கடந்த 2012-ஆம் ஆண்டு மீரா காதலித்து திருமணம் செய்து கொண்டார். இந்த தம்பதியினருக்கு ஒரு ஆண் குழந்தை பிறந்தது. ஆனால் கருத்து வேறுபாடு காரணமாக கடந்த 2016-ஆம் ஆண்டு தனது இரண்டாவது கணவரையும் மீரா பிரிந்து விட்டார். அதன் பிறகு திருமணம் செய்து கொள்ளாமல் இருந்தார்.\
இந்நிலையில் 42 வயதாகும் மீரா வாசுதேவன் ஒளிப்பதிவாளரான விபின் என்பவரை கடந்த 21-ஆம் தேதி மீரா வாசுதேவன் திருமணம் செய்து கொண்டார். இந்த திருமணத்தில் நெருங்கிய உறவினர்களும், நண்பர்களும் பங்கேற்றனர். கடந்த 2019-ஆம் ஆண்டு முதல் இருவரும் இணைந்து வேலை பார்த்து வந்தனர். பின்னர் நட்பு காதலாக மாறி திருமணம் செய்து கொண்டனர். திருமண புகைப்படங்கள் சமூக வலைதளத்தில் வேகமாக பரவி வருகிறது. அதனை பார்த்த ரசிகர்கள் மீரா வாசுதேவனுக்கு வாழ்த்து தெரிவித்து வருகின்றனர்.
View this post on Instagram