பிரபல மலையாள நடிகையான அருந்ததி நாயர் தமிழில் விஜய் ஆண்டனியின் சைத்தான், பொங்கியெழு மனோகரா, கன்னி ராசி, பிஸ்தா, ஆயிரம் பொற்காசுகள் உள்ளிட்ட படங்களில் நடித்துள்ளார்.
இதுபோக ஏராளமான மலையாள படங்கள் மற்றும் வெப் சீரிஸில் அருந்ததி நாயர் நடித்துள்ளார். கடந்த மாதம் அருந்ததி நாயர் தனது சகோதரருடன் மோட்டார் சைக்கிளில் சென்றுள்ளார். அப்போது அடையாளம் தெரியாத வாகனம் மோதியதால் அருந்ததி நாயர் படுகாயம் அடைந்தார்.
அவரை அக்கம் பக்கத்தினர் மீட்டு மருத்துவமனையில் சிகிச்சைக்காக அனுமதித்தனர். அங்கு மூன்று வாரங்கள் அவருக்கு தொடர்ந்து சிகிச்சை அளிக்கப்பட்டது. ஆனாலும் உடல் நிலையில் எந்த முன்னேற்றமும் இல்லை. இன்று வரை அவர் கவலைக்கிடமாகவே இருக்கிறாராம்.
மேலும் தினமும் இரண்டு லட்ச ரூபாய் வீதம் இதுவரை அவரது குடும்பத்தினர் 40 லட்ச ரூபாய்க்கு மேல் அருந்ததி நாயரின் மருத்துவ சிகிச்சைக்காக செலவு செய்துள்ளனர். இந்த நிலையில் அருந்ததி நாயரின் சிகிச்சை செலவுக்காக திரையுலகினர் நிதி உதவி அளிக்க வேண்டும் என அவரது குடும்பத்தினர் கோரிக்கை விடுத்துள்ளனர்.
