தமிழ் சினிமாவில் ஜிவி பிரகாஷை வைத்து திரிஷா இல்லனா நயன்தாரா என்ற திரைப்படத்தை இயக்கி இயக்குனராக அறிமுகமானவர்தான் ஆதிக் ரவிச்சந்திரன். இதனைத் தொடர்ந்து சிம்புவை வைத்து அன்பானவன் அசராதவன் அடங்காதவன் என்ற திரைப்படத்தை இயக்கினார். அந்த திரைப்படம் தோல்வியை சந்தித்த நிலையில் ஆதிக் ரவிச்சந்திரன் விரைவில் காலியாகி விடுவார் என பரபரப்பாக பேசப்பட்டது. இதனைத் தொடர்ந்து அஜித் நடித்த நேர்கொண்ட பார்வை திரைப்படத்தில் ஆதிக் நடித்திருந்தார் .
இந்த சூழலில் அவர் விஷாலை வைத்து மார்க் ஆண்டனி என்ற திரைப்படத்தை இயக்கினார். இந்த திரைப்படம் ரசிகர்கள் மத்தியில் நல்ல வரவேற்பை பெற்றது. இதனைத் தொடர்ந்து ஆதி ரவிச்சந்திரன் பிஸியான இயக்குனராக பலம் வந்து கொண்டிருக்கிறார். இந்த ஆதிக் ரவிச்சந்திரன் நடிகர் பிரபுவின் மகளான ஐஸ்வர்யாவை காதலித்து வந்த நிலையில் இவர்கள் இருவருக்கும் இன்று பிரம்மாண்டமாக திருமணம் நடைபெற்று உள்ளது.
இதில் ஏராளமான திரை பிரபலங்கள் மற்றும் அரசியல் தலைவர்கள் என பலரும் கலந்து கொண்டு மணமக்களை வாழ்த்தி உள்ளனர். அதன்படி நடிகர் விஷால் ஆதிக் ரவிச்சந்திரன் மற்றும் ஐஸ்வர்யா திருமணத்தில் கலந்துகொண்டு வாழ்த்தினார். பிரபுவின் மகள் ஐஸ்வர்யாவுக்கு கடந்த 2009 ஆம் ஆண்டு குணால் என்ற நபருடன் திருமணம் நடந்த நிலையில் இந்த திருமணம் சில வருடங்களில் விவாகரத்தில் முடிந்தது.
இதனைத் தொடர்ந்து பெற்றோருடன் இருந்து வந்த ஐஸ்வர்யா இயக்குனர் ஆதிக் ரவிச்சந்திரனை சில வருடங்களாக காதலித்து வந்த நிலையில் இவர்களுக்கு இன்று பெற்றோர் சம்பந்தத்துடன் திருமணம் நடந்து முடிந்துள்ளது. தற்போது அது தொடர்பான புகைப்படங்கள் வைரலாகி வரும் நிலையில் பொதுமண தம்பதிகளுக்கு ரசிகர்கள் பலரும் வாழ்த்து தெரிவித்து வருகிறார்கள்.
