காலையிலேயே சோகம்… பிரபல வில்லன் நடிகர் திடீர் மரணம்…. அதிர்ச்சியில் ஒட்டுமொத்த தமிழ் திரையுலகம்…..!

திரைப்படத் தயாரிப்பாளர், இயக்குநர், இசையமைப்பாளர் மற்றும் நடிகர் எனப் பன்முகத் திறமைகளைக் கொண்டிருந்த தக்காளி சீனிவாசன், உடல்நலக் குறைவு காரணமாக பெங்களூரில் காலமானார் என்ற செய்தி திரையுலகினரிடையே சோகத்தை ஏற்படுத்தியுள்ளது. ‘நாளைய மனிதன்’, ‘மனசுக்குள் மத்தாப்பு’, ‘ஜென்ம நட்சத்திரம்’ போன்ற பல வெற்றிப் படங்களைத் தயாரித்த இவர், கமல்ஹாசனின் ‘சூரசம்ஹாரம்’ உள்ளிட்ட படங்களில் எதிர்மறையான கதாபாத்திரங்களில் நடித்துத் தனது நடிப்புத் திறமையையும் வெளிப்படுத்தியுள்ளார்.

சினிமாத்துறையில் இருந்து ஒதுங்கிய பிறகு, ஆசிரமம் ஒன்றை நடத்தி தத்தெடுத்த குழந்தைகளுடன் இணைந்து மனிதநேயச் சேவைகளில் தன்னை ஈடுபடுத்திக் கொண்டு வந்தார். இத்தகைய சிறப்புமிக்க கலைஞனின் மறைவு திரையுலகிற்குப் பெரும் இழப்பாகக் கருதப்படுகிறது. இவரது இறுதிச்சடங்குகள் மார்ச் 11-ம் தேதியான இன்று பெங்களூரில் நடைபெற உள்ள நிலையில், பலரும் தங்களது ஆழ்ந்த இரங்கல்களைத் தெரிவித்து வருகின்றனர்.