நடிகர்கள் ரவிமோகன் விஷாலை தொடர்ந்து நடிகர் சூர்யா செய்த அதிரடி நடவடிக்கை – மலையேற போனாலும் மச்சான் தயவு வேணுமில்லே?

பெரும்பாலான நட்சத்திர நடிகர்களுக்கு அவர்களது கால்ஷீட் சம்பளம் விவகாரங்களை கவனித்துக்கொள்ள உதவியாளர்கள் இருப்பார்கள். அவர்கள் மூலமாகவே இதுசார்ந்த விஷயங்கள் நடப்பது வழக்கம். ஆனால் சமீபத்தில் நடிகர்கள் ரவிமோகன் மற்றும் விஷால் ஆகியோர் பல ஆண்டுகளாக தன்னுடன் இருந்த முக்கிய உதவியாளர்களை வெளியேற்றி விட்டனர். இது கோலிவுட்டில் பரபரப்பாக பேசப்பட்டது.

இந்நிலையில் நடிகர் சூர்யாவும் தன்னுடைய நீண்டகால உதவியாளரை பல மாதங்களுக்கு முன்பே நீக்கிய நிலையில் தற்போது தனது படங்கள் கால்ஷீட் மற்றும் சம்பள விவகாரங்களை கவனித்துக்கொள்ள 2 பேரை புதிதாக நியமனம் செய்திருக்கிறார். அதில் ஒருவர் ஜோதிகாவின் தம்பி அதாவது சூர்யாவின் மச்சினன் என்பது குறிப்பிடத்தக்கது. இன்னொருவர் சூர்யாவுடன் கல்லூரியில் படித்த அவரது நண்பர் என்பதும் டிராவல்ஸ் நிறுவனம் ஒன்றை அவர் நடத்துகிறார் என்றும் கூறப்படுகிறது. இந்த 2 பேரும்தான் இனி சூர்யாவின் உதவியாளர்களாக இருந்து சினிமா பயணத்தில் அவருடன் பயணிக்க உள்ளனர்.