ஜனநாயகன் படம் 3 மணி நேரம் 6 நிமிடம் திரையில் ஓடுகிறதா? படத்தின் நீளம் குறித்து வெளியான தகவலால் ஷாக் ஆன ரசிகர்கள் – ஆனால் உண்மை இதுதாங்க!

இயக்குனர் எச் வினோத் இயக்கத்தில் விஜய் நடித்த படம் ஜனநாயகன் வருகிற ஜனவரி 9ம் தேதி பொங்கலுக்கு ரிலீஸாக உள்ளது. இந்த படத்தின் இசை வெளியீட்டு விழா மலேசியாவில் உள்ள கோலாலம்பூரில் வருகிற 27ம் தேதி நடைபெற உள்ளது. இந்த விழாவில் நடிகர் விஜய் மற்றும் இசையமைப்பாளர் அனிருத் உட்பட படக்குழுவினர் 250க்கும் மேற்பட்டோர் பங்கேற்க உள்ளனர்.

இந்நிலையில் ஜனநாயகன் படம் குறித்து ஒரு முக்கிய தகவல் வெளியாகி உள்ளது. அதன்படி இந்த படத்தின் நீளம் 3 மணி நேரம் 6 நிமிடங்கள் என்று சொல்லப்படுகிறது. இரண்டரை மணி நேரம் படங்களே பார்க்க முடியாத சூழலில் இவ்வளவு பெரிய படமாக என்று தளபதி ரசிகர்கள் ஷாக் ஆகி உள்ளனர். ஆனால் படம் இன்னும் சென்சாருக்கு செல்லாத நிலையில், சில தினங்களில் சென்சாருக்கு செல்ல உள்ளது. இது ஒரு தவறான வதந்தி என்றும் படத்தின் இறுதியான நீளம் இன்னும் முடிவாகவில்லை என்றும் லேட்டஸ்ட் தகவல் இப்போது வெளியாகி உள்ளது.