அதற்கு பிறகு உலகமே வேறு மாதிரி தெரிந்தது… என் மனைவி கையை பிடித்துக் கொண்டு சொன்ன வார்த்தைகள் – எமோஷனலாக பேசிய கன்னட நடிகர் ராஜ்குமார்!

கன்னட சினிமாவில் சூப்பர் ஸ்டாராக கொண்டாடப்படுபவர் நடிகர் சிவராஜ்குமார். இவர் ஜெயிலர் படத்தில் ரஜினியுடன் கேமியோ ரோலில் நடித்து தமிழ் சினிமா ரசிகர்கள் மத்தியிலும் மிகப்பெரிய வரவேற்பை பெற்றார். கடந்த ஆண்டில் சிவராஜ்குமாருக்கு புற்றுநோய் பாதிப்பு இருப்பது தெரியவந்தது. இது அவரது ரசிகர்கள் மத்தியில் பலத்த அதிர்ச்சியை ஏற்படுத்தியது.

உடனடியாக அமெரிக்காவில் உள்ள மியாமி மருத்துவமனையில் அவருக்கு அறுவை சிகிச்சை செய்யப்பட்டது. பிறகு புற்றுநோய் பாதிப்பில் இருந்து முழுமையாக குணமடைந்த நிலையில் சிவராஜ்குமார் இப்போது மீண்டும் சினிமாவில் நடிக்க ஆரம்பித்திருக்கிறார். இந்நிலையில் நடிகர் சிவராஜ்குமார் சென்னையில் நடந்த நிகழ்ச்சி ஒன்றில் பங்கேற்றார். அப்போது அவர் கூறியதாவது. கடந்த ஆண்டு டிசம்பர் மாதம் ஆபரேஷனுக்காக நானஜ் அமெரிக்கா சென்றேன்.

போகும்போது கண்கள் முழுக்க கண்ணீர் தான். ரொம்ப எமோஷனல் ஆகிவிட்டேன். மீண்டும் வருவோமா மாட்டோமா என்பது தெரியாது. டாக்டர்கள் கேரண்டி கொடுத்திருந்தாலும் ஏதாவது ஆகிவிட்டால் என்ன செய்வது என்று பயமாக இருந்தது. அமெரிக்காவுக்கு போகும்போது எல்லோருமே அமைதியாக இருந்தோம். ஆப்ரேஷன் அன்று காலை எனக்கு ஏதோ கொடுத்தார்கள். நான் மயக்க நிலைக்குச் சென்றேன்.

ஐந்து அல்லது ஆறு மணி நேரம் கழித்து விழித்து பார்த்த போது எனது மனைவி அருகில் இருந்தார். அவரது கையைப் பிடித்த போது, மீண்டும் நான் உன் கையைப் பிடிப்பேன் என்று நினைக்கவில்லை என்றுதான் சொன்னேன். எனக்கு என்ன வேண்டுமானாலும் நடந்திருக்கலாம். அதற்கு பிறகு எனக்கு இந்த உலகமே வேறு மாதிரி தெரிந்தது என்று நடிகர் சிவராஜ்குமார் எமோஷனலாக கூறியிருக்கிறார்.