பாலிவுட்டில் நட்சத்திர நடிகராக வலம் வருபவர் ஷாருக்கான். அவர் பிரபல நடிகையுடன் பங்கேற்ற ஒரு நிகழ்ச்சியில் வரம்பு மீறிப் பேசிய வீடியோ இப்போது சர்ச்சையை கிளப்பியிருக்கிறது. கடந்த 2004ம் ஆண்டில் நடந்த காப்பி வித் கரன் என்ற நேர்காணல் நிகழ்ச்சியில் ப்ரீத்தி ஜிந்தா மற்றும் ஷாருக்கான்பங்கேற்றனர். இந்த நிகழ்ச்சியின் போது, நடிகை ப்ரீத்தி ஜிந்தாவிடம் பேசிய நடிகர் ஷாருக்கான், நீ நடிக்கும் படத்தில் நீ கர்ப்பமாக இருக்கிற மாதிரி கேரக்டர் இருந்தால் அதற்காக கவலைப்படாதே. நானே உன்னை கர்ப்பமாக்கி விடுகிறேன் என்று விளையாட்டாக கூறியுள்ளார்.
இதைக் கேட்ட பிரீத்தி ஜிந்தா அதிர்ச்சி அடைந்துள்ளார். பின்பு தன்னை கட்டுப்படுத்திக் கொண்டார். அதேபோல் மற்றொரு ரியாலிட்டி ஷோவில் பங்கேற்ற நடிகர் ஷாருக்கானிடம், ஒரு இளம் பெண், நீங்கள் தூங்கும்போது குறட்டை விடுவீர்களா என்று கேள்வி கேட்டார். இந்த கேள்விக்கு பதிலளித்த ஷாருக்கான், நீ வயதில் கொஞ்சம் பெரியவளாக இருந்திருந்தால் நான் வேற மாதிரி பதில் சொல்லி இருப்பேன் என்று கிண்டலாக கூறியிருந்தார். அதே கேள்வியை ஒரு ரசிகர் கேட்டபோது. வந்து என் கூட படுத்து பாரு என்றும் அவர் பதிலளித்து இருந்தார். இதுபோல் சில நிகழ்ச்சிகளில் ஷாருக்கான் இப்படி வரம்பு மீறி கொச்சையாக பேசியிருப்பது இப்போது இணையத்தில் சர்ச்சையை கிளப்பியுள்ளது. இதெல்லாம் பெரிய மனுஷன் பேசுகிற பேச்சா என பலரும் விமர்சிக்கின்றனர்.