கோலாகலமாக நடந்து முடிந்த நடிகர் ரியாஸ்கான் மகன் திருமணம்.. வைரலாகும் போட்டோஸ்..!!

தமிழ் சினிமாவில் பல ஆண்டுகளாக வில்லன் நடிகராக வலம் வருபவர் ரியாஸ்கான். ரியாஸ் கான் தமிழ், மலையாளம், தெலுங்கு, ஹிந்தி உள்ளிட்ட மொழி திரைப்படங்களில் நடித்துள்ளார். பத்ரி, வின்னர், கஜினி, ஆதவன், மாஞ்சா வேலு, மம்பட்டியான் உள்ளிட்ட திரைப்படங்களில் ரியாஸ் கான் நடித்துள்ளார்.

இவரது மனைவி உமா ரியாஸ்கான். இவர்கள் காதலித்து திருமணம் செய்து கொண்டனர். உமா ரியாஸ் கான் சீரியல்களில் நடித்து வருகிறார். தற்போது சன் டிவியில் ஒளிபரப்பாகும் கயல் சீரியலில் ஹீரோவுக்கு அம்மாவாக நடித்து வருகிறார். ரியாஸ் கான், உமா ரியாஸ் கான் தம்பதியினருக்கு ஷாரிக் ஹாசன், சமர்த் ஹாசன் என்ற இரண்டு மகன்கள் இருக்கின்றனர்.

விஜய் டிவியில் ஒளிபரப்பான பிக் பாஸ் ஜோடி நிகழ்ச்சியில் ஷாரிக் ஹாசன் பங்கேற்று நடனமாடி அசத்தினார். மேலும் ஜிவி பிரகாஷின் பென்சில் திரைப்படத்தில் ஒரு முக்கிய கதாபாத்திரத்தில் நடித்தார். ஒரு சில சிறிய கதாபாத்திரத்திலும் ஷாரிக் ஹாசன் நடித்து வருகிறார். இவர் மரியா ஜெனிபர் என்பவரை காதலித்தார். இரு வீட்டார் சம்பந்தத்துடன் நேற்று அடையாறில் இருக்கும் நட்சத்திர ஹோட்டலில் அவர்களுக்கு திருமணம் நடைபெற்றது.

முன்னதாக மெஹந்தி பங்க்ஷன், ஹெல்தி பங்க்ஷன் என அனைத்து கொண்டாட்டங்களும் கோலாகலமாக நடைபெற்றது. அந்த புகைப்படங்கள் சமூக வலைதளத்தில் வைரலானது. திருமணத்தில் திரை பிரபலங்கள் ஏராளமானார் கலந்து கொண்டு மணமக்களை வாழ்த்தி உள்ளனர். சோஷியல் மீடியாவிலும் ரசிகர்கள் புது மண தம்பதிக்கு வாழ்த்து தெரிவித்து வருகின்றனர்.