பாராட்டு எல்லாம் இருக்கட்டும் பணத்தை வசூல் செய்ததா வணங்கான்.. வெளியான முதல் நாள் பாக்ஸ் ஆபிஸ் கலெக்ஷன் விவரம்..!!

தமிழ் சினிமாவின் பிரம்மாண்ட இயக்குனரான பாலா இயக்கத்தில் தயாரிப்பாளர் சுரேஷ் காமாட்சி தயாரிப்பில் உருவான திரைப்படம் தான் வணங்கான். இந்தப் படத்தில் முதலில் சூர்யா நடிக்க இருந்த நிலையில் சூர்யாவுக்கும் பாலாவுக்கும் கருத்து வேறுபாடு ஏற்பட வணங்கான் படத்திலிருந்து அவர் வெளியேறினார். இதனைத் தொடர்ந்து இப்படத்தில் நடிக்க அருண் விஜய் ஒப்பந்தமான நிலையில் படத்தின் சூட்டிங் தொடங்கியது. படத்திற்கு ஜிவி பிரகாஷ் பாடல்களை உருவாக்கிய நிலையில் பின்னணி இசையில் சாங் சி.எஸ் அட்டகாசமாக ஸ்கோர் செய்துள்ளார்.

இவருடைய பின்னணி இசை படத்தின் தரத்தை உயர்த்தவும் ரசிகர்களை படத்தோடு ஒன்று செய்யவும் காரணமாக அமைந்துள்ளது. படத்தில் அருண் விஜயோடு ரிதா மற்றும் ரோஷினி பிரகாஷ் ஆகியோர் இணைந்து நடித்துள்ளனர். இந்த படத்தைப் பார்த்த ரசிகர்கள் பாலாவையும் அருண் விஜயையும் தொடர்ந்து பாராட்டி வருகின்றனர். அருண் விஜய் திரை வாழ்க்கையில் இந்த திரைப்படம் மாபெரும் வெற்றி படமாக அமைந்துள்ளது என்று தான் கூற வேண்டும்.

இதற்கு முன்னர் பத்து ஆண்டுகளுக்கு முன்பு அஜித்துடன் என்னை அறிந்தால் படத்தில் நடித்த போது அஜித் ரசிகர்கள் அருண் விஜயின் நடிப்பை கொண்டாடிய நிலையில் தற்போது தான் மீண்டும் கொண்டாடி வருகின்றனர். இப்படியான நிலையில் வணங்கான் திரைப்படம் முதல் நாளில் இந்தியா முழுவதும் இரண்டு கோடி வசூல் செய்துள்ளதாக தகவல் வெளியாகி உள்ளது. மேலும் படத்தை ரசிகர்கள் கொண்டாடி வருவதால் படத்தின் வசூல் இனிவரும் நாட்களில் அதிகரிக்கும் என்றும் கூறப்படுகிறது.