வியட்நாமில் மனதை உருக்கும் ஒரு காதல் கதை சமூக வலைதளங்களில் பலரது கவனத்தையும் ஈர்த்துள்ளது. 29 வயதான ஒரு இளைஞர், தனது நீண்ட கால காதலியான 24 வயது தோ (Tho) என்பவரை கரம்பிடித்தார். திருமணத்திற்குப் பிறகு மகிழ்ச்சியான வாழ்க்கையைத் தொடங்குவார்கள் என்று எதிர்பார்க்கப்பட்ட நிலையில், விதி வேறு விதமாக விளையாடியது.
திருமணமான சில காலத்திலேயே, அவரது மனைவிக்குக் கடுமையான நுரையீரல் காசநோய் (Pulmonary Tuberculosis) பாதிப்பு ஏற்பட்டது. இந்த நோய் அவரது உடலைச் சிறிது சிறிதாக உருக்கி, அவரைப் படுக்கையிலேயே முடக்கியது. இருப்பினும், தனது மனைவியைக் கைவிட மறுத்த அந்த இளைஞர், அவரை அர்ப்பணிப்புடன் கவனித்துக் கொண்டார். மனைவியின் மருத்துவச் செலவுகளுக்காகப் பணத்தைச் சேமிக்க, அவர் சாப்பிட்டு மிஞ்சிய உணவையே தானும் உண்டு காலம் தள்ளினார்.
கையில் இருந்த சேமிப்பு முழுவதும் தீர்ந்த நிலையில், தனது மனைவியின் உயிரைக் காப்பாற்ற வேறு வழியின்றி அவர் சமூக வலைதளங்களின் உதவியை நாடினார். தனது மனைவியைக் காப்பாற்ற நிதியுதவி கோரி அவர் உருக்கமாக வெளியிட்ட பதிவுகள், தற்போது பலரது இதயங்களை நெகிழச் செய்துள்ளது. “காதல் என்பது இன்பத்தில் மட்டுமல்ல, துன்பத்திலும் துணை நிற்பதுதான்” என்பதற்கு இந்த தம்பதியினர் ஒரு வாழும் உதாரணமாக மாறியுள்ளனர்.