நடுரோட்டில் நின்று நயன்தாராவை கலாய்த்த உறவினர்கள்.. லேடி சூப்பர் ஸ்டார் கொடுத்த அல்டிமேட் ரியாக்ஷன் .. வைரலாகும் வீடியோ..!!

லேடி சூப்பர் ஸ்டார் என ரசிகர்களால் அன்புடன் அழைக்கப்படும் நயன்தாரா சரத்குமார் நடித்த ஐயா திரைப்படத்தின் மூலம் ஹீரோயினாக அறிமுகமானார். அதன் பிறகு ரஜினி, விஜய், சிம்பு உள்ளிட்ட முன்னணி நடிகர்களுடன் இணைந்து நடித்துள்ளார். எஸ்.ஜே சூர்யாவுடன் கள்வனின் காதலி உள்ளிட்ட பல படங்களில் நடித்த நயன்தாரா திடீரென சிறிய பிரேக் எடுத்தார்.

ராஜா ராணி திரைப்படத்தின் மூலம் சூப்பர் கம்பேக் கொடுத்தார் நயன்தாரா. அதன் பிறகு ஹீரோயினுக்கு முக்கியத்துவம் கொடுக்கும் மாயா, அறம் உள்ளிட்ட படங்களில் நடித்து பிரபலமானார். அடுத்தடுத்து ரஜினிகாந்துடன் தர்பார், அண்ணாத்த, அஜித்துடன் விசுவாசம், விஜய் உடன் பிகில் ஆகிய படங்கள் அவருக்கு மேலும் புகழை தேடி தந்தது.

கடந்த ஆண்டு ஷாருக்கானுக்கு ஜோடியாக ஜவான் படத்தில் நடித்து பாலிவுடிலும் நயன்தாரா காலடி எடுத்து வைத்துள்ளார். இந்த நிலையில் தந்தையின் உடல் நலனை கவனித்துக் கொள்வதற்காக நயன்தாரா கேரளா சென்றுள்ளார். அங்கே இரவு நேரத்தில் தனது உறவினர்களுடன் நின்று ஐஸ்கிரீம் சாப்பிட்டுள்ளார்.

உறவினர்கள் இருவரும் தனிஷ்க் ஜுவல்லரியில் இடம் பெற்றுள்ள நயன்தாராவின் போஸ்டரை பார்த்துக்கொண்டே நின்றனர். பின்னர் நயன்தாராவை பார்த்து மேடம் நீங்க இங்கே எப்படி என பேசி கலாய்க்கும் வீடியோவை நயன்தாரா சமூக வலைதள பக்கத்தில் பதிவிட்டுள்ளார்.