ஹாலிவுட் பட ரேஞ்சுக்கு ஒரு இந்தியத் தயாரிப்பு… டிராக்டர் சக்கரம், ஜெனரேட்டர் எஞ்சின்.. வைரலாகும் விசித்திர வாகனம்… டெஸ்லாவுக்கே டஃப் கொடுதத் நபர்..!!

சமூக வலைதளங்களில் ஒரு நபர் உருவாக்கிய விசித்திரமான ‘ஜுகாட்’ (Jugaad) வாகனம் தொடர்பான வீடியோ வைரலாகி வருகிறது. அந்த வாகனத்தின் வித்தியாசமான வடிவமைப்பைக் கண்டு வியந்த இணையவாசிகள், இது ஹாலிவுட் படத்தின் கதாபாத்திரமான ‘கோஸ்ட் ரைடரின் (Ghost Rider) ஃபேமிலி எடிஷன்’ என்று வேடிக்கையாகக் குறிப்பிட்டு வருகின்றனர். குறைந்த வசதிகளைக் கொண்டு வியக்கத்தக்க கண்டுபிடிப்புகளை உருவாக்குவதில் இந்தியர்கள் எப்போதும் முன்னோடியாக இருப்பதை இந்த வீடியோ மீண்டும் நிரூபித்துள்ளது.

இந்த விசித்திரமான வாகனம் பல பழைய பாகங்களை ஒன்றாக இணைத்து உருவாக்கப்பட்டுள்ளது. இதன் முன்பகுதியில் டிராக்டர் சக்கரம் போன்ற அமைப்பும், அதனுடன் ஒரு ஜெனரேட்டர் போன்ற எஞ்சினும் பொருத்தப்பட்டுள்ளது. வாகனத்தின் பின் பகுதியில் சொகுசு கார் போன்ற சக்கரங்கள் காணப்படுகின்றன. இந்த வாகனத்தில் ஒரு குடும்பமே அமர்ந்து பயணம் செய்யும் வகையில் சீட் வசதிகள் செய்யப்பட்டுள்ளன. சாலையில் இந்த வாகனம் செல்லும் காட்சியைக் கண்டு அங்கிருந்த மக்கள் ஆச்சரியத்துடன் வேடிக்கை பார்த்துள்ளனர்.

இன்ஸ்டாகிராமில் பகிரப்பட்ட இந்த வீடியோ சில மணிநேரங்களிலேயே லட்சக்கணக்கான பார்வைகளைப் பெற்றுள்ளது. “இது என்ன வகையான தொழில்நுட்பம்?” என்றும், “நிச்சயமாக இது ஒரு புதுமையான முயற்சி” என்றும் பலரும் கமெண்ட் செய்து வருகின்றனர். இத்தகைய ‘ஜுகாட்’ வாகனங்கள் பொழுதுபோக்கு ரீதியாக ரசிக்கப்பட்டாலும், சாலை பாதுகாப்பு விதிகளின்படி இவை ஆபத்தானவை என்ற கருத்தும் முன்வைக்கப்பட்டு வருகிறது