நாகர்கோவிலில் இருந்து மதுரை நோக்கி 76 பயணிகளுடன் சென்று கொண்டிருந்த அரசுப் பேருந்து, விருதுநகர் – சாத்தூர் சுங்கச்சாவடி அருகே திடீரெனத் தீப்பிடித்து எரிந்த சம்பவம் பெரும் பரபரப்பை ஏற்படுத்தியது. பேருந்தின் எஞ்சின் பகுதியில் இருந்து புகை வருவதைக் கவனித்த ஓட்டுநர் சுதாரித்துக்கொண்டு உடனடியாக வண்டியை நிறுத்தினார். பயணிகள் அனைவரும் பதற்றத்துடன் விரைந்து பேருந்தை விட்டு வெளியேறினர்.
இந்தச் சமயோசிதமான செயலால், பேருந்தில் பயணித்த 76 பேரும் பெரும் ஆபத்தில் இருந்து அதிர்ஷ்டவசமாக உயிர் தப்பினர். தகவலறிந்து சம்பவ இடத்திற்கு விரைந்த தீயணைப்பு வீரர்கள் மற்றும் காவல்துறையினர் தீயை அணைக்கும் பணியில் ஈடுபட்டனர். இருப்பினும், பேருந்து முற்றிலும் எரிந்து நாசமானது.