அதிர்ச்சி..! திடீரென வந்த EX காதலியின் போன் கால்.. ஓயோ ஹோட்டலில் காதலி மயங்கிய நேரத்தில்… இளைஞருக்கு நேர்ந்த கொடூர முடிவு…!!

சத்தீஸ்கர் மாநிலம் பிலாயில் உள்ள ஓயோ விடுதி அறையொன்றில் 19 வயது இளைஞர் ஷதாப் ஷேக் புதன்கிழமை காலை சடலமாக மீட்கப்பட்டார். ஸ்மிருதி நகர் காவல் எல்லைக்குட்பட்ட கோஹ்கா பகுதியில் உள்ள ஹோட்டல் குணாலில் இந்தச் சம்பவம் நடந்துள்ளது. ஷதாப் மற்றும் அவரது 23 வயது காதலி செவ்வாய்க்கிழமை மாலை விடுதியில் அறை எடுத்து தங்கியுள்ளனர். இரவில் இருவரும் மது அருந்திய நிலையில், ஷதாப்பிற்கு அவரது முன்னாள் காதலியிடமிருந்து வந்த தொலைபேசி அழைப்பால் இருவருக்கும் இடையே கடுமையான வாக்குவாதம் ஏற்பட்டுள்ளது.

இந்தத் தகராறின் போது, மதுபோதையில் இருந்த அந்தப் பெண் தனது கையை அறுத்துக் கொண்டு தற்கொலைக்கு முயன்று மயக்கமடைந்துள்ளார். அவர் மயக்கமடைந்த நேரத்தில், ஷதாப் தனது காதலியின் துப்பட்டாவைப் பயன்படுத்தி தற்கொலை செய்துகொண்டதாக போலீஸார் சந்தேகிக்கின்றனர். முன்னதாக, செவ்வாய் இரவு 11 மணியளவில் இவர்களின் சண்டையை அறிந்து வந்த ஷதாப்பின் நண்பர்கள் கதவைத் தட்டியும் கதவு திறக்கப்படவில்லை.

மறுநாள் காலை அறையை விட்டு வெளியே வந்த அந்தப் பெண், ஷதாப் தூங்கிக் கொண்டிருப்பதாக விடுதி ஊழியர்களிடம் கூறியுள்ளார். பின்னர் காலை 9 மணியளவில் உள்ளே சென்று பார்த்த நண்பர்கள், ஷதாப் அசைவற்று கிடப்பதைக் கண்டு தனியார் மருத்துவமனைக்குக் கொண்டு சென்றனர். ஆனால் அவர் ஏற்கனவே இறந்துவிட்டதாக மருத்துவர்கள் தெரிவித்தனர். போலீஸார் உடலைக் கைப்பற்றி பிரேதப் பரிசோதனைக்கு அனுப்பியுள்ளனர். மேலும், அந்தப் பெண்ணைக் காவலில் எடுத்து, மரணத்திற்கான உண்மையான காரணம் குறித்து தீவிர விசாரணை நடத்தி வருகின்றனர்.