“நான் உன்ன கல்யாணம் பண்ணிக்கிறேன்”… இளம் பெண்ணை ஏமாற்றி பல ஆண்டுகள் பாலியல் பலாத்காரம்… கர்ப்பமானதும் நடந்த அதிர்ச்சி சம்பவம்..!

சோன்பத்ரா மாவட்டத்தின் ஓப்ரா காவல் நிலைய எல்லைக்குட்பட்ட பகுதியில், திருமணம் செய்து கொள்வதாக நம்பிக்கை அளித்து பல ஆண்டுகளாக இளம்பெண்ணை பாலியல் வன்கொடுமைக்கு உள்ளாக்கியதாக குற்றம் சாட்டப்பட்ட சுனில் குமார் மௌர்யா என்பவரை போலீசார் கைது செய்து நீதிமன்றத்தில் ஆஜர்படுத்தினர். சமூக வலைதளத்தின் மூலம் அறிமுகமான இருவருக்கும் இடையே நெருக்கம் ஏற்பட்ட நிலையில், திருமணம் செய்து கொள்வதாகக் கூறி தொடர்ந்து உடலுறவு கொண்டதாகவும், பின்னர் இளம்பெண் கர்ப்பமானபோது அவரை நொய்டாவுக்கு அழைத்துச் சென்று கருக்கலைப்பு செய்ய வற்புறுத்தியதாகவும் புகார் தெரிவிக்கப்பட்டுள்ளது. மேலும், அவரது சம்மதமின்றி கருக்கலைப்பு மாத்திரைகள் வழங்கப்பட்டு, கடந்த மே 27ஆம் தேதி தனியார் மருத்துவமனையில் கருக்கலைப்பு செய்யப்பட்டதாகவும் பாதிக்கப்பட்ட பெண் குற்றம் சாட்டியுள்ளார்.

கருக்கலைப்புக்குப் பிறகு திருமணம் குறித்து கேட்டபோது, குற்றம்சாட்டப்பட்ட நபரும் அவரது குடும்பத்தினரும் தாக்குதல் நடத்தி, அவமதிப்பாக நடந்து கொண்டதுடன், சாதி அடிப்படையிலான இழிவான வார்த்தைகளையும் பயன்படுத்தியதாக இளம்பெண் புகார் அளித்துள்ளார். இதையடுத்து போலீசார் இந்திய நியாயச் சட்டத்தின் பல்வேறு பிரிவுகள் மற்றும் எஸ்சி/எஸ்டி வன்கொடுமைத் தடுப்புச் சட்டத்தின் கீழ் வழக்குப் பதிவு செய்து விசாரணை மேற்கொண்டனர். வழக்குப் பதிவு செய்யப்பட்டதிலிருந்து தலைமறைவாக இருந்த சுனில் குமார் மௌர்யாவை, கிடைத்த ரகசிய தகவலின் அடிப்படையில் ஓப்ரா பகுதியில் உள்ள ஷார்தா கோயில் அருகே கைது செய்த போலீசார், தேவையான சட்டநடவடிக்கைகளை முடித்து நீதிமன்றத்தில் ஆஜர்படுத்தினர். பெண்களுக்கு எதிரான குற்றங்களில் ஈடுபடும் நபர்களுக்கு எதிராக கடுமையான நடவடிக்கைகள் தொடர்ந்து மேற்கொள்ளப்படும் என போலீசார் தெரிவித்துள்ளனர்.