அமெரிக்காவின் ஆர்கன்சாஸ் மாகாணத்தில், இரண்டு வயது குழந்தை பாலியல் வன்கொடுமை செய்யப்பட்ட வழக்கில் 22 வயதான டைலர் ஹட்சன் மற்றும் 19 வயதான ஹெய்லி ஷ்மிட் ஆகியோர் மீது குற்றவியல் வழக்குகள் பதிவு செய்யப்பட்டுள்ளன. சிறுமியை பாலியல் ரீதியாக துன்புறுத்தி, அதனை வீடியோவாக பதிவு செய்த குற்றத்திற்காக கடந்த ஜூலை மாதம் ஷ்மிட் காவல்துறையினரால் கைது செய்யப்பட்டார்.
இணையத்தில் வெளியான காணொளிகளை அடிப்படையாகக் கொண்டு விசாரணையைத் தொடங்கிய புலனாய்வாளர்கள், குற்றவாளிகளின் சமூக வலைத்தள கணக்குகளை ஆய்வு செய்தனர். அதில், சிலரின் வழிகாட்டுதலின்படி பணத்தைப் பெற்றுக்கொண்டு ஷ்மிட் இக்குற்றத்தில் ஈடுபட்டது தெரியவந்தது. இதனைத் தொடர்ந்து அதிகாரிகள் நடத்திய சோதனையில், இச்சம்பவம் தொடர்பான பல புகைப்படங்கள் மற்றும் வீடியோ ஆதாரங்கள் பறிமுதல் செய்யப்பட்டன.
விசாரணையின் போது, ஹட்சனின் தூண்டுதலின் பேரில் வெறும் 25 டாலர் பணத்திற்காகவே இந்த வீடியோக்களை உருவாக்கியதாக ஷ்மிட் அதிகாரிகளிடம் ஒப்புக்கொண்டுள்ளார். இவர்களுக்கு இடையே ஜூன் மாத தொடக்கத்தில் இன்ஸ்டாகிராமில் நடைபெற்ற உரையாடல்கள் இந்த பணப் பரிமாற்றத்தை உறுதிப்படுத்தியுள்ளன. மேலும், குற்றச்சம்பவம் பதிவான வீடியோவில் இருப்பது ஷ்மிட் தான் என்பதை, அவரது உடலில் உள்ள தனித்துவமான பட்டாம்பூச்சி பச்சை குத்தலை வைத்து காவல்துறையினர் சந்தேகமற அடையாளம் கண்டுள்ளனர்.