“விபத்தில் துடித்த பெண்…” வேடிக்கை பார்த்த கூட்டம்…”டாக்டர்களே வியந்த நிமிடம்…” நடுரோட்டில் கல்லூரி மாணிவி செய்த அற்புதம்… ஒட்டுமொத்த இந்தியாவையும் திரும்பிப் பார்க்க வைத்த 2 நிமிட வீடியோ…!

ஹரியானா மாநிலம் கர்னாலில் பேருந்து மோதிய விபத்தில் மாரடைப்பு ஏற்பட்டு உயிருக்கு போராடிய பெண்ணை, சோனாக்ஷி என்ற செவிலியர் மாணவி சமயோசிதமாக செயல்பட்டு சிபிஆர் சிகிச்சை அளித்து காப்பாற்றியுள்ளார். கல்லூரி முடிந்து வீடு திரும்பிக் கொண்டிருந்த சோனாக்ஷி, சாலையோரம் மயங்கிக் கிடந்த பெண்ணைக் கண்டு உடனடியாக முதலுதவி செய்யத் தொடங்கினார். சுமார் இரண்டு நிமிடங்கள் தொடர்ந்து நெஞ்சுப் பகுதி அழுத்தங்களை வழங்கி, அந்தப் பெண்ணின் நாடித் துடிப்பை மீட்டெடுத்தார். இக்கட்டான அந்தச் சூழலில், அங்கிருந்த பொதுமக்களின் உதவியோடு ஆம்புலன்ஸுக்காகக் காத்திருக்காமல், ஒரு தனியார் வாகனத்தை நிறுத்தி மருத்துவமனைக்கு அழைத்துச் சென்றார்.

மருத்துவமனைக்குச் செல்லும் வழியிலும் அந்தப் பெண்ணிற்குத் தடையின்றி சிபிஆர் சிகிச்சையை சோனாக்ஷி தொடர்ந்து அளித்துக் கொண்டே சென்றார். உரிய நேரத்தில் மருத்துவமனையில் சேர்க்கப்பட்டதால் அந்தப் பெண்ணின் உயிர் காக்கப்பட்டது. செவிலியர் மாணவியின் இந்தத் துணிச்சலான மற்றும் சமயோசிதமான செயலைப் பாராட்டி சமூக வலைத்தளங்களில் வீடியோ வைரலாகி வரும் நிலையில், பொதுமக்கள் பலரும் அவருக்கு வாழ்த்துகளைத் தெரிவித்து வருகின்றனர். இச்சம்பவம், அவசரக் காலங்களில் உயிரைக் காக்க உதவும் சிபிஆர் (CPR) போன்ற முதலுதவிப் பயிற்சிகளின் அவசியத்தை மீண்டும் ஒருமுறை அனைவருக்கும் உணர்த்தியுள்ளது.