பாக்யராஜ் மரணத்தில் ஏற்பட்ட மன உளைச்சல்… நள்ளிரவில் வந்த ‘அந்த’ ஒரு மெசேஜ்… தன்னைத் துரோகியாகப் பார்ப்பவர்களுக்கு… பார்த்திபன் கொடுத்த நெத்தியடி பதில்…!

இயக்குநர் இமயம் கே.பாக்யராஜின் மறைவுக்குப் பின், அவரது இறுதிச் சடங்குகளை முன்னின்று நடத்திய நடிகர் பார்த்திபன் மீது சமூக வலைத்தளங்களில் கடுமையான விளம்பரக் குற்றச்சாட்டுகள் சுமத்தப்பட்டன. இதுகுறித்து தனியார் தொலைக்காட்சி பேட்டி ஒன்றில் மிகுந்த மனவேதனையுடன் பேசிய பார்த்திபன், “என் குருவிற்காக நான் உருகி உருகிச் செய்த காரியங்களை, பிறர் கவனத்தை ஈர்ப்பதற்கான விளம்பரம் என்று சொல்வதைக் கேட்கும்போது மனிதநேயமே செத்துவிட்டதோ என்று தோன்றுகிறது. இறுதி ஊர்வலத்தில் நடந்து சென்றதால் ஏற்பட்ட உடல்வலியை விட, மக்களின் இந்த அவதூறு வார்த்தைகள் என் மனதை வெகுவாகக் காயப்படுத்திவிட்டன. கேமரா இருக்கும் இடமாகப் பார்த்து நான் அழுததாகச் சொல்வது என்னை மேலும் நிலைகுலையச் செய்கிறது” என்று கண்ணீர்மல்கக் குறிப்பிட்டுள்ளார்.

அவதூரைக் காட்டிலும் தன்னை உலுக்கிய மற்றொரு அதிர்ச்சி சம்பவத்தையும் அவர் அப்‌பேட்டியில் பகிர்ந்துகொண்டார். பாக்யராஜின் அஸ்தியைக் கரைத்துவிட்டு வீடு திரும்பிய இரவில், பாக்யராஜின் உதவியாளர் ஒருவர் தனக்கு அனுப்பிய குறுஞ்செய்தியைப் பற்றிக் குறிப்பிட்ட பார்த்திபன், “‘அனைத்து காரியங்களையும் நீயே முன்னின்று செய்துவிட்டாய், அதனால்தான் உன் குடும்பம் உன்னுடன் இல்லை; நீயும் விரைவில் செத்துவிடுவாய், அப்போது உனக்குக் கூட்டமே வராது’ என அந்த மெசேஜில் கொடூரமாகக் குறிப்பிடப்பட்டிருந்தது” என்றார். ஒரு கொலைக் குற்றவாளியைக் கூட இப்படிப் பேச மாட்டார்கள் எனக் கலங்கிய அவர், ஏதோ ஒரு மூர்க்கத்தனத்தில் குருவிற்காக உழைத்த தனக்கு இவ்வளவு பெரிய சாப வார்த்தைகளா என்று மிகுந்த வேதனையோடு கேள்வி எழுப்பியுள்ளார்.