“Internet-ஐ ஆக்கிரமித்த ‘Cutest’ ரத யாத்திரை…” நம்ம கலாச்சாரம் அழியாது பாஸ்… மனசுல அசைக்க முடியாத பக்தி… நெஞ்சை உருகவைத்த மழலை பட்டாளம்… வைரலாகும் பக்தி மலை…!

ஒடிசாவின் பூரி ஜெகந்நாதர் ஆலய ரத யாத்திரை நாடு முழுவதும் மிகுந்த உற்சாகத்துடன் கொண்டாடப்பட்டு வரும் வேளையில், ஒரு குழுவாகச் சேர்ந்த சிறு குழந்தைகள் தங்களின் மழலைத் தனத்தோடு இந்த விழாவை மறுஉருவாக்கம் செய்துள்ள மனதை நெகிழவைக்கும் வீடியோ ஒன்று இணையத்தில் வைரலாகி வருகிறது. துணிகள் மற்றும் வண்ணக் கலவைகளைக் கொண்டு தாங்களே உருவாக்கிய ஜெகந்நாதர் சிலை, வண்ணத்தாள்கள் மற்றும் பூக்களால் அலங்கரிக்கப்பட்ட ஒரு பொம்மை லாரி ஆகியவற்றை வைத்து, மகாபிரபுவின் ரத யாத்திரையை மிகக் கலைநயத்துடன் இந்தக் குழந்தைகள் அரங்கேற்றியுள்ளனர். இதில் சில குழந்தைகள் ஜெகந்நாதர், பலபத்ரர் மற்றும் சுபத்ரா தேவி வேடமிட்டிருக்க, மற்ற குழந்தைகள் உற்சாகத்துடன் அந்த மினியேச்சர் தேரைத் தங்கள் வீதியில் இழுத்துச் சென்று நிஜப் பூரி ரத யாத்திரையை அழகாகப் பிரதிபலித்துள்ளனர்.

எளிமையான முறையில் அமைக்கப்பட்டிருந்தாலும், இந்தியாவின் பன்னெடுங்காலப் பண்பாட்டுத் தொன்மத்தை உணர்த்தும் இந்த வீடியோ சமூக ஊடகங்களில் பல்லாயிரக்கணக்கானோரின் லைக்குகளையும் பாராட்டுகளையும் குவித்து வருகிறது. “நான் பார்த்ததிலேயே மிகவும் அழகான ரத யாத்திரை இதுதான்; இந்தத் தலைமுறை குழந்தைகள் நமது கலாச்சாரத்தை இவ்வளவு மகிழ்ச்சியோடு கொண்டாடுவதைப் பார்க்கும்போது பெருமையாக இருக்கிறது” என நெட்டிசன்கள் பலரும் தங்களின் நெகிழ்ச்சியைப் பகிர்ந்துள்ளனர். குழந்தைகளின் இந்த ஆர்வத்தை ஊக்குவித்து, அவர்களுக்கு ஆன்மீக மற்றும் கலாச்சார பாரம்பரியத்தைக் கற்றுக்கொடுத்த பெற்றோர்களுக்கும், அப்பகுதி மக்களுக்கும் இணையவாசிகள் தங்களது மனமார்ந்த வாழ்த்துகளையும் பாராட்டுகளையும் தெரிவித்து வருகின்றனர்.