சிம்லாவில் ஒரு குறும்புக்கார குரங்கு செய்த செயல் தற்போது சமூக வலைதளங்களில் வைரலாகி கோடிக்கணக்கான மக்களின் இதயங்களை வென்றுள்ளது. பொதுவாக குரங்குகள் பொருட்களைப் பறித்துச் செல்வது வழக்கம் என்றாலும், இந்த ‘துப்பட்டா திருடன்’ குரங்கு செய்த செயல் மிகவும் வித்தியாசமானது. ஒருவரது துப்பட்டாவைத் திருடிய அந்தக் குரங்கு, அதை எறிந்துவிடாமல் ஒரு நளினமான மாடல் போலத் தன் தோளில் போர்த்தி, நடைபாதை ஒன்றில் ‘ரேம்ப் வாக்’ (Ramp Walk) செய்தது காண்போரை வியப்பில் ஆழ்த்தியுள்ளது.
View this post on Instagram
இந்தக் காணொளியை இதுவரை சுமார் 6 கோடிக்கும் அதிகமானோர் பார்த்துள்ளதோடு, 49 லட்சத்திற்கும் மேற்பட்டோர் இதனைப் பகிர்ந்து பாராட்டியுள்ளனர். துப்பட்டாவைத் தலையில் முக்காடு போலப் போர்த்திக் கொண்டு அந்தக் குரங்கு காட்டிய நளினமான அசைவுகள், பாலிவுட் நட்சத்திரங்களின் ஸ்டைலையே மிஞ்சும் வகையில் இருப்பதாக இணையதளவாசிகள் நகைச்சுவையாகக் கருத்து தெரிவித்து வருகின்றனர். ‘சிம்லாவின் புதிய மாடல்’ என்று அழைக்கப்படும் இந்தக் குரங்கின் வீடியோ தற்போது இணையத்தில் பெரும் வரவேற்பைப் பெற்றுள்ளது.