“அம்மாவை விட்ருங்கப்பா” மகள் கண்முன்னே மனைவியை உயிரோடு தீ வைத்து எரித்த கணவன்… கதறி அழுத மகள்… அடுத்து நடந்த அதிர்ச்சி..!!

தெலுங்கானாவின் தலைநகர் ஹைதராபாத்தில் புதன்கிழமை   தனது குழந்தைகள் கண் முன்னே கணவர் தனது மனைவியை தீ வைத்துக் கொளுத்திய அதிர்ச்சியூட்டும் சம்பவம் நடந்துள்ளது. குற்றம் சாட்டப்பட்ட வெங்கடேஷ், தனது மகள்  தாயைக் காப்பாற்ற முயன்றபோது தீயில் தள்ளிவிட்டதாகவும் கூறப்படுகிறது. இதில் வெங்கடேஷின் மனைவி திரிவேணி உயிரிழந்தார். அவரது மகள் லேசான காயங்களுடன் உயிர் தப்பினார்.  தகவல்களின்படி,   குற்றம் சாட்டப்பட்டவர் முதலில் தனது மனைவி திரிவேணியை குழந்தைகள் முன்னிலையில் தாக்கி, பின்னர் பெட்ரோல் ஊற்றி தீ வைத்துக் கொளுத்தினார். தனது மகளை தீயில் தள்ளிவிட்டு சம்பவ இடத்திலிருந்து தப்பி ஓடிவிட்டார்.

சத்தம் கேட்டு அக்கம்பக்கத்தினர் வெங்கடேஷின் வீட்டிற்கு விரைந்தனர். சிறுமி காப்பாற்றப்பட்டார். இருப்பினும், திரிவேணியைக் காப்பாற்ற முடியவில்லை. தம்பதியரின் மகள் லேசான காயங்களுக்கு உள்ளானார். அவர் சிகிச்சைக்காக மருத்துவமனைக்கு கொண்டு செல்லப்பட்டார். நகரின் நல்லகுண்டா பகுதியில் நடந்த இந்த சம்பவத்திற்குப் பிறகு அந்தப் பகுதியே பீதியில் உறைந்தது. தகவல் கிடைத்ததும், போலீசார் இந்த விவகாரம் குறித்து விசாரணையைத் தொடங்கினர். குற்றம் சாட்டப்பட்டவரைப் பிடிக்க   நடவடிக்கை தொடங்கப்பட்டுள்ளது.