சந்திரனில் கால் பதித்த முதல் மனிதரான நீல் ஆம்ஸ்ட்ராங்கின் அமெரிக்காவின் ஓஹியோ மாகாணத்திலுள்ள குழந்தைப் பருவ வீடு, ஓய்வுபெற்ற விமானி கென் ஷ்ரைபர் வழங்கிய ரூ 400,000 நன்கொடை மூலம் பாதுகாக்கப்பட உள்ளது. சிறு வயதில் 1969 ஆம் ஆண்டு நிலவுப் பயணத்தைக் கண்டு ஈர்க்கப்பட்ட அவர், இந்த வரலாற்றுச் சிறப்புமிக்க இல்லத்தை எதிர்கால சந்ததியினருக்காகப் பாதுகாக்க முழுத் தொகையையும் தன் சொந்தச் செலவில் வழங்க முன்வந்தார்.
ஒக்லாய்ஸ் கவுண்டி வரலாற்றுச் சங்கம் இந்த வீட்டை அக்டோபர் 19 அன்று விலைக்கு வாங்கியது. 1944 ஆம் ஆண்டு முதல் ஆம்ஸ்ட்ராங்கின் குடும்பத்தினர் வசித்த இந்த வீட்டில்தான் அவர் தன் சிறு வயதில் விமான மாதிரிகளை உருவாக்குவது மற்றும் காற்றுச் சுரங்கங்களை அமைப்பது போன்ற சோதனைகளில் ஈடுபட்டார்; மேலும் தனது 16 வது வயதில் விமானிக்கான உரிமத்தையும் பெற்றார்.
இந்த வீட்டை 1940-களில் இருந்த தோற்றத்திற்கே மீட்டெடுக்க வரலாற்றுச் சங்கம் திட்டமிட்டுள்ளதுடன், அடுத்த மூன்று ஆண்டுகளுக்குள் பொதுமக்களும் பார்வையாளர்கள் பார்வையிடும் வகையில் திறக்கப்படும் என்றும் எதிர்பார்க்கப்படுகிறது. இதன் மூலம் விண்வெளி வரலாற்றில் மிக முக்கியமான அடையாளமாக விளங்கும் இந்த இல்லம் பாதுகாக்கப்படுவதுடன், ஆம்ஸ்ட்ராங்கின் சிறு வயது நினைவுகளும் போற்றப்படும்.