டேய்… பந்தை என் பக்கம் தூக்கிப் போடுடா… ஸ்பிட்டி பள்ளத்தாக்கில் இளம் துறவிகளுடன்… கால்பந்து ஆடிய நாய்… இணையத்தைக் கலக்கும் கியூட் வீடியோ…!

இமாச்சலப் பிரதேசத்தின் ஸ்பிட்டி பள்ளத்தாக்கில் உள்ள ஒரு பௌத்த மடாலயத்தில், சிறு பிக்குகளுடன் ‘மாஃபு’ என்ற கோல்டன் ரெட்ரீவர் நாய் கால்பந்து விளையாடிய நெகிழ்ச்சியான சம்பவம் இணையத்தில் வைரலாகி வருகிறது.

இன்ஸ்டாகிராமில் பகிரப்பட்ட இந்த அழகிய வீடியோவில், மலைகளின் பின்னணியில் சிறு பிக்குகள் விளையாடிக் கொண்டிருக்கும்போது, மாஃபுவும் உற்சாகமாக அவர்களுடன் சேர்ந்து பந்தைத் துரத்தி விளையாடுகிறது. இந்த எதிர்பாராத எதிர்பார்ப்பு நிறைந்த அழகான விளையாட்டு காட்சி பலரின் இதயங்களை வென்றுள்ளது.

https://www.instagram.com/reel/DctYlDtBW3d/?utm_source=ig_web_button_share_sheet

இணையத்தில் 18 லட்சத்திற்கும் அதிகமான பார்வைகளைக் கடந்துள்ள இந்த வீடியோவை நெட்டிசன்கள் பலரும் ரசித்துப் பாராட்டி வருகின்றனர். பலர் மாஃபுவை அன்போடு “பானால்டோ” என்று செல்லமாக அழைத்து, தங்கள் மகிழ்ச்சியான கருத்துகளைப் பதிவிட்டு வருகின்றனர்