பெங்களூரு ஊரக மாவட்டம் தேவனஹள்ளி நகரில் உள்ள விஜயபுரா கிராஸ் அருகே யூனியன் வங்கிக்கு வெளியே நிறுத்தப்பட்டிருந்த காரில் இருந்து செவ்வாய்க்கிழமை அழுகிய நிலையில் சடலம் ஒன்று கண்டெடுக்கப்பட்டது. KA 03 MS 1953 என்ற பதிவெண் கொண்ட அந்த ஃபோக்ஸ்வேகன் கார், திங்கட்கிழமை காலை முதல் வங்கிக்கு முன்பாக மூன்று நாட்களாக ஒரே இடத்தில் நகர்த்தப்படாமல் நின்று கொண்டிருந்ததாகத் தகவல்கள் தெரிவிக்கின்றன.
செவ்வாய்க்கிழமை அன்று உள்ளூர்வாசிகள் அந்த வாகனத்தை அப்புறப்படுத்துவதற்காக அருகில் சென்றபோது, காருக்குள் சடலம் இருப்பதைப் பார்த்து அதிர்ச்சியடைந்து உடனடியாகக் காவல்துறையினருக்குத் தகவல் கொடுத்தனர். தகவல் அறிந்து சம்பவ இடத்திற்கு விரைந்து வந்த தேவனஹள்ளி காவல்துறையினர் காரைச் சோதனையிட்டனர்.
https://twitter.com/HateDetectors/status/2123022885719834976/video/1
மீட்கப்பட்ட சடலம் மிகவும் அழுகிய நிலையில் இருந்ததால், உயிரிழந்தவர் யார் என்ற அடையாளத்தைக் கண்டறியும் முயற்சியில் காவல்துறையினர் ஈடுபட்டுள்ளனர். மரணத்திற்கான காரணம் மற்றும் அதற்கான சூழ்நிலைகள் குறித்து இதுவரை எந்தத் தகவலும் உறுதி செய்யப்படாத நிலையில், இது குறித்து காவல்துறையினர் வழக்குப் பதிவு செய்து தீவிர விசாரணை நடத்தி வருகின்றனர்.
