ஒரு பெரிய படத்துல நடிக்கனும்னு ஆசை… ஆனா 4 வருஷமா வாய்ப்பில்லாம சும்மா இருக்கேன்… உருக்கமாக பேசிய அப்பா பட புகழ் சிறுவன்…

சமுத்திரகனி தமிழ் சினிமாவில் பணியாற்றும் நடிகர் மற்றும் இயக்குனர் ஆவார். இவரது படங்கள் தனித்துவமாக சமூகத்துக்கு கருத்து சொல்லும் வகையில் இருக்கும். அப்படி 2016 ஆம் ஆண்டு சமுத்திரக்கனி எழுதி இயக்கிய திரைப்படம் தான் அப்பா. மேலும் இந்த திரைப்படத்தில் ஒரு முக்கிய கதாபாத்திரத்தில் அவர் நடித்திருந்தார்.

2012 ஆம் ஆண்டு இவர் இயக்கிய சாட்டை திரைப்படம் நல்ல விமர்சனங்களை பெற்று வெற்றி பெற்றதை தொடர்ந்து இந்த அப்பா திரைப்படம் வெளியானது. இந்த திரைப்படமும் ஒரு ஆழமான கருத்தை கொண்டிருந்ததால் நல்ல விமர்சனங்களை பெற்று வெற்றி பெற்றது. இந்த திரைப்படத்தில் பள்ளி குழந்தைகள் வைத்து சமுத்திரக்கனி கதையை உருவாக்கி இருப்பார். தம்பி இராமையா முக்கிய கதாபாத்திரத்தில் நடித்திருப்பார்.

படிப்பு படிப்பு என்று இன்றைய காலகட்டத்து குழந்தைகளை பெற்றோர்கள் எந்த அளவுக்கு பிரஷர் செய்கிறார்கள் அதன் விளைவுகள் என்ன என்பதை பற்றி இந்த படம் எடுத்துரைக்கிறது. இந்த திரைப்படத்தில் குட்டி பையனாக நசாத் என்ற சிறுவன் நடித்திருந்தார். அவர் இந்த படத்தில் ஒரு டயலாக் கூறுவார். எங்க இருந்தாலும் இருக்குற இடம் தெரியாமல் இருந்திறனும் என்ற டயலாக் மிக பிரபலமாக இருந்தது.

தற்போது ஒரு நேர்காணலில் நசாத் கலந்து இருக்கிறார். அவர் உருக்கமாக சில விஷயங்களை பகிர்ந்திருக்கிறார். அவர் கூறியது என்னவென்றால் அப்பா படத்தில் நல்லா ஃபேமஸானேன் அதற்கு பிறகு எனக்கு வாய்ப்பே கிடைக்கல. இப்ப நான் வாய்ப்பு தேடிக்கிட்டு இருக்கேன். ஒரு பெரிய படத்துல நடிக்கனும்னு ஆசை. ஆனால் யாருமே வாய்ப்பு தர மாட்டேன்றாங்க என்று உருக்கமாக பேசியிருக்கிறார் அப்பா படத்தில் நடித்து புகழ் பெற்ற சிறுவன் நசாத்.