பகீர்!.. 1 வயது பச்சிளம் குழந்தையைச் சீரழித்த மிருகம்.. தாய் துணி துவைக்கச் சென்ற சில நிமிடங்களில் நடந்த விபரீதம்.. திடுக்கிடும் பின்னணி..!!

உத்தரப் பிரதேச மாநிலம் ஷாஜஹான்பூரின் குதார் காவல் நிலைய எல்லைக்குட்பட்ட ஹர்னாய் கிராமத்தில், மனிதநேயத்தையே உலுக்கும் வகையில் ஒரு வயதுக் குழந்தையைக் குடும்ப உறவினரே பாலியல் வன்கொடுமை செய்த கொடூரச் சம்பவம் வெளிச்சத்திற்கு வந்துள்ளது. பாதிக்கப்பட்ட சிறுமியின் பக்கத்து வீட்டில் வசித்து வரும் குட்டு என்ற நபர், தினமும் தன் சகோதரர் வீட்டிற்கு வந்து செல்வதை வழக்கமாகக் கொண்டுள்ளார். சம்பவத்தன்று சிறுமியின் தாய் அவளுக்குத் திண்ணையில் உணவூட்டிவிட்டு, துணி துவைப்பதற்காகச் சற்றுத் தள்ளிச் சென்ற சமயம் பார்த்து, அங்கு வந்த குட்டு அந்த ஒரு வயதுக் குழந்தையைத் தூக்கிக்கொண்டு அறைக்குள் சென்று இக்கொடூரச் செயலில் ஈடுபட்டுள்ளார்.

அறைக்குள்ளிருந்து வந்த சிறுமியின் அலறல் சத்தத்தைக் கேட்டுத் தாய் ஓடிவந்து பார்த்தபோது, குட்டுவின் கொடூரத்தைக் கண்டு அதிர்ச்சியடைந்து தடியால் அவரை அடிக்கத் தொடங்கியுள்ளார். இதனால் நிலை குலைந்த அக்குற்றம் சாட்டப்பட்ட நபர், குழந்தையை அங்கேயே போட்டுவிட்டுத் தப்பியோடிவிட்டார். வேலைக்குச் சென்றிருந்த சிறுமியின் தந்தைக்கும் காவல்துறைக்கும் உடனடியாகத் தகவல் தெரிவிக்கப்பட்டதை அடுத்து, சம்பவ இடத்திற்கு விரைந்த அதிகாரிகள் உயிருக்கு ஆபத்தான நிலையில் இருந்த குழந்தையை மீட்டு மாவட்ட மருத்துவமனையில் தீவிர சிகிச்சைக்காக அனுமதித்தனர். அங்கு அக்குழந்தைக்கு தற்போது மருத்துவர்கள் தீவிர சிகிச்சை அளித்து வருகின்றனர்.

சிறுமியின் குடும்பத்தினர் அளித்த புகாரின் பேரில், காவல் கண்காணிப்பாளர் சௌரப் தீட்சித்தின் உத்தரவின் கீழ் தனிப்படை அமைக்கப்பட்டுத் தீவிரத் தேடுதல் வேட்டை நடத்தப்பட்டது. அன்று நள்ளிரவு ஷாஜஹான்பூர்-மைலானி எல்லைக்கு அருகே குற்றம் சாட்டப்பட்டவர் தப்பியோட முயல்வதாகக் கிடைத்த ரகசியத் தகவலின் அடிப்படையில் காவல்துறையினர் அவரை முற்றுகையிட்டனர். அப்போது குட்டு காவல்துறையினரை நோக்கித் துப்பாக்கிச் சூடு நடத்த, தற்காப்பிற்காகக் காவல்துறையினர் நடத்திய பதிலடி என்கவுண்டரில் குட்டுவின் இரு கால்களிலும் குண்டு பாய்ந்தது. காயமடைந்த அவர் உடனடியாகக் கைது செய்யப்பட்டு, சிகிச்சைக்காக மாவட்ட மருத்துவமனையில் சேர்க்கப்பட்டுள்ளார்.