“ஐயோ சித்தப்பா என்ன விட்டுருங்க”… 13 வயது சிறுமியை வீட்டிலேயே கதற கதற சீரழித்த காமக்கொடூரன்… அடுத்து நடந்த நடுங்க வைக்கும் சம்பவம்…!

சென்னையில் 10-ஆம் வகுப்பு படித்து வந்த 13 வயது சிறுமியைப் பாலியல் வன்கொடுமை செய்து கர்ப்பமாக்கிய அவரது சித்தப்பாவிற்கு 25 ஆண்டுகள் கடுங்காவல் சிறைத் தண்டனை விதித்து சென்னை போக்சோ சிறப்பு நீதிமன்றம் தீர்ப்பளித்துள்ளது. திருவண்ணாமலை மாவட்டத்தைச் சேர்ந்த அச்சிறுமி, சென்னை கோயம்பேடு பகுதியில் சுமைதூக்கும் தொழிலாளியாகப் பணியாற்றி வரும் தனது சித்தப்பாவின் வீட்டில் தங்கிப் படித்து வந்தபோது, கடந்த 2023-ஆம் ஆண்டு ஜூலை மாதம் இந்த கொடூர சம்பவம் நிகழ்ந்துள்ளது.

இரத்த உறவான அண்ணன் மகள் என்ற உணர்வே இன்றி, வீட்டில் யாரும் இல்லாத நேரத்தில் அந்த நபர் சிறுமியைப் பாலியல் வன்கொடுமை செய்துள்ளார். மேலும், இச்சம்பவம் குறித்து வெளியே சொன்னால் சிறுமியையும் அவரது பெற்றோரையும் கொலை செய்து விடுவதாக மிரட்டியுள்ளார். இதனால் ஏற்பட்ட பாதிப்பால் சிறுமி கர்ப்பமடைந்த நிலையில், கோயம்பேடு அனைத்து மகளிர் காவல் நிலையத்தினர் போக்சோ சட்டத்தின் கீழ் வழக்குப் பதிவு செய்து சம்பந்தப்பட்ட நபரை கைது செய்தனர்.

இந்த வழக்கின் விசாரணை நீதிமன்றத்தில் நடைபெற்று வந்த காலத்திலேயே, அந்தச் சிறுமி ஒரு குழந்தையைப் பெற்றெடுத்தார். அந்தக் குழந்தை தற்போது குழந்தைகள் நலக்குழுமத்தின் பராமரிப்பில் ஒப்படைக்கப்பட்டுள்ளது. வழக்கின் இறுதி விசாரணையை முடித்த நீதிபதி பத்மா, குற்றவாளிக்கு 25 ஆண்டுகள் சிறைத் தண்டனையுடன் 5 லட்சம் ரூபாய் அபராதமும் விதித்து உத்தரவிட்டார். இந்தத் தீர்ப்பு சமூகத்தில் பெண்களுக்கு எதிரான குற்றங்களுக்குக் கடுமையான எச்சரிக்கையாக அமைந்துள்ளது.

நீதிமன்றம் தனது தீர்ப்பில் தண்டனையோடு மட்டும் நில்லாமல், பாதிக்கப்பட்ட சிறுமியின் எதிர்கால நலனிலும் அக்கறை காட்டியுள்ளது. சிறுமிக்குத் தமிழக அரசு சார்பில் 3 லட்சம் ரூபாய் இழப்பீடு வழங்கவும், அவர் தடையின்றி மீண்டும் 10-ஆம் வகுப்பு பொதுத்தேர்வை எழுதத் தேவையான வசதிகளைச் செய்யவும் உத்தரவிடப்பட்டுள்ளது. மேலும், சிறுமியின் பாதுகாப்புக்காக ஒரு தொண்டு நிறுவன நிர்வாகியைப் பாதுகாவலராக நியமித்து, அபராதத் தொகை மற்றும் இழப்பீடு என மொத்தம் 8 லட்சம் ரூபாயைச் சிறுமியின் பெயரில் வைப்புத் தொகையாகச் செலுத்தவும் நீதிபதி ஆணையிட்டுள்ளார்.