“இவர்களே நம் நாட்டின் சிங்கப்பெண்கள்”..! மிட்டாய் கொடுத்து ஏமாற்றி கடத்த முயற்சித்த கும்பல்… தைரியமாக செயல்பட்டு தப்பித்த 10 சிறுமிகள்..!!

பீகார் மாநிலம் பெட்டியா மாவட்டத்தின்நர்கதியாகஞ்ச் துணைப்பிரிவில் உள்ள ஷிகார்பூர் காவல் நிலையப் பகுதிக்கு உட்பட்ட பஹுர்வா குர்த் கிராமத்தில்  செவ்வாய்க்கிழமை அன்று  அதிர்ச்சி சம்பவம் ஒன்று நடந்துள்ளது. அதாவது இங்கு கண்காட்சி நடந்த நிலையில் அதை பார்ப்பதற்கு சென்ற 10 மைனர் சிறுமிகள் கடத்த முயற்சி மேற்கொள்ளப்பட்டது. இருந்தாலும் சிறுமியின் விழிப்புணர்வு மற்றும் தைரியத்தின் காரணமாக அந்த கடத்தல் முயற்சி தோல்வி அடைந்துள்ளது. இந்த கடத்தல் வழக்கில் அதே கிராமத்தைச் சேர்ந்த ஹஸ்முதின் மியான் என்ற இளைஞரை காவல்துறையினர் கைது செய்துள்ளார்கள். அதாவது காவல்துறை விசாரணையில், கிராமத்தில் இந்த சிறுமிகள் ஒன்றாக கண்காட்சி பார்க்க சென்றுள்ளார்கள்.

கண்காட்சி இடத்திலிருந்து ஹஸ்முதின் மியான் தன்னுடைய கூட்டாளிகளோடு சேர்ந்து முதலில் சிறுமிகளை பணம் மற்றும் இனிப்புகளை கொடுத்து ஏமாற்றி பிறகு கண்காட்சியிலிருந்து ஒரு ஆளில்லா இடத்திற்கு அழைத்து சென்றுள்ளார். இதையடுத்து அந்த இளைஞர்களின் நோக்கங்களை சந்தேகித்த அந்த சிறுமிகள் எதிர்ப்பு தெரிவிக்க தொடங்கியுள்ளார்கள்.  பிறகு சிறுமிகளை வலுக்கட்டாயமாக தாக்கி அவர்களை இழுக்க தொடங்கியுள்ளார்கள்.

ஆனால் அதில் துணிச்சலான சிறுமிகள் அங்கிருந்து கத்தி அந்த இளைஞர்களின் ஒருவரின் கையை கடித்துள்ளார். பிறகு அவர்கள் அனைவரும் அங்கிருந்து நேரடியாக ஓடி கிராமத்திற்கு சென்று தெரிவித்துள்ளார்கள். இதனையடுத்து காவல்துறையில் புகார் அளிக்கப்பட்ட நிலையில் காவல்துறையினர் குற்றவாளிகளை கைது செய்து விசாரணை நடத்தி வருகிறார்கள். இந்த சம்பவம் பெரும் பரபரப்பை ஏற்படுத்தியுள்ளது.