“ஐயோ என் புள்ள போச்சே”… கழிவறையில் சுடச்சுட வெந்நீர் வைத்த தாய்… கண்ணிமைக்கும் நொடியில் ஒன்றரை வயது குழந்தை உயிரிழந்த சோகம்…!

கர்நாடக மாநிலம் மைசூர் மாவட்டம் விஜயகிரி கிராமத்தை சேர்ந்த பசப்பா என்பவருடைய மனைவி ரம்யா. இந்த தம்பதிக்கு ஒன்றரை வயதில் பெண் குழந்தை இருந்தது. இதனிடையே நேற்று முன்தினம் குழந்தையை குளிக்க வைப்பதற்காக ரம்யா வெந்நீர் வைத்த நிலையில் தண்ணீர் மிகவும் சூடாக இருந்துள்ளது. இதனால் கொதிக்கும் தண்ணீரை ஒரு பாத்திரத்தில் ஊற்றி அதனை ரம்யா கழிவறை அருகே வைத்துவிட்டு வீட்டுக்குள் துண்டு எடுப்பதற்காக சென்றுள்ளார். அப்போது அங்கு விளையாடிக் கொண்டிருந்த குழந்தை வெண்ணீர் இருந்த பாத்திரத்தின் அருகில் வந்துள்ளது.

இதனை ரம்யா கவனிக்காத நிலையில் பாத்திரத்தை பிடித்து எழுந்த அந்த குழந்தை எதிர்பாராத விதமாக வெண்ணீர் பாத்திரத்திற்குள் தவறி விழுந்து உள்ளது. அந்த பாத்திரத்தில் இருந்த தண்ணீர் கொதித்துக் கொண்டிருந்ததால் உள்ளே விழுந்ததும் உடல் வெந்து குழந்தையை கதறி அழுதது. இதனைக் கண்டு அதிர்ச்சி அடைந்த ரம்யா ஓடி வந்து வெந்நீரில் விழுந்து கிடந்த குழந்தையை மீட்டு உடனே மருத்துவமனைக்கு அழைத்துச் சென்றார். அங்கு சிகிச்சை அளிக்கப்பட்ட போதும் சிகிச்சை பலனின்றி குழந்தை பரிதாபமாக உயிரிழந்தது. இது குறித்து வழக்கு பதிவு செய்துள்ள போலீசார் விசாரணை நடத்திவரும் நிலையில் இந்த சம்பவம் அப்பகுதியில் சோகத்தையும் அதிர்ச்சியையும் ஏற்படுத்தி உள்ளது.