படுக்கையில் இருந்த நோயாளியை கொடூரமாக தாக்கிய மருத்துவர்… பரபரப்பை கிளப்பும் ஷாக்கிங் வீடியோ…!

டெல்லி ஏர்போட்டில் பைலட் பயணியை தாக்கிய சம்பவம் அடங்குவதற்குள் தற்போது மற்றொரு சம்பவம் அரங்கேறியுள்ளது. இமாச்சல பிரதேசம் சிம்லாவில் உள்ள IGMC அரசு மருத்துவமனையில் சிகிச்சைக்கு வந்த நோயாளியை மருத்துவர் கண்மூடித்தனமாக தாக்கும் வீடியோ வெளியாகி அதிர்ச்சியை ஏற்படுத்தியுள்ளது. மருத்துவமனையில் ஒரு நோயாளிக்கும் மருத்துவருக்கும் இடையே கடுமையான மோதல் ஏற்பட்டுள்ளது. சிகிச்சைக்காக வந்த ஒரு நோயாளிக்கும் மருத்துவருக்கும் இடையே தகராறு ஏற்பட்டபோது கைகளப்பாக மாறியது.

இதனைத் தொடர்ந்து படுக்கையில் படுத்திருந்த நோயாளி மருத்துவரை உதைக்க தொடங்கினார். பதிலுக்கு மருத்துவர் கோபம் அடைந்து படுக்கையில் இருந்த நோயாளியை தாக்கியுள்ளார். மரியாதை குறைவாக பேசியதை எதிர்த்ததால் தாக்குதல் நடத்தப்பட்டதாக கூறப்படுகிறது. இதனைத் தொடர்ந்து மருத்துவமனையில் இருந்த நோயாளிகள் போராட்டத்தில் ஈடுபட்ட நிலையில் தற்போது அந்த தாக்குதல் குறித்த வீடியோ இணையத்தில் வெளியாகி அதிர்ச்சியை ஏற்படுத்தியுள்ளது.