கிருஷ்ணா மாவட்டம் பந்துமில்லி காவல் நிலையத்தில் மதுபோதையில் வாகனம் ஓட்டியதாகத் திருமல செட்டி கனகராஜு என்பவரின் பொலிரோ வாகனத்தைப் போலீசார் பறிமுதல் செய்தனர். வழக்கு விசாரணைக்குப் பிறகு, பந்துமில்லி உரிமையியல் நீதிமன்றம் அவருக்கு அபராதம் விதித்தது. அபராதத்தை செலுத்திவிட்டு வாகனத்தை எடுத்துச் செல்லுமாறு காவல்துறையினர் அவரிடம் தெரிவித்தனர்.
எனினும், கனகராஜு நீதிமன்ற அபராதத்தை செலுத்த மறுத்துவிட்டார். தன் வாகனத்தைத் திரும்பத் தராவிட்டால் தற்கொலை செய்துகொள்வதாக மிரட்டல் விடுத்த அவர், எதிர்பாராதவிதமாகத் தன் மீது பெட்ரோலை ஊற்றிக் கொண்டு தற்கொலைக்கு முயன்றார்.
அவரை எரியும் தீயில் இருந்து காப்பாற்ற முயன்ற போது சில காவல் துறை அதிகாரிகளுக்கும் காயங்கள் ஏற்பட்டன. உடனடியாகச் செயல்பட்ட போலீசார், காயமடைந்த கனகராஜை மீட்டு சிகிச்சைக்காக மச்சிலிப்பட்டினம் மருத்துவமனைக்கு அனுப்பி வைத்தனர்.