“ஐயோ, நான் சாகல உயிரோட தான் இருக்கேன்”… தனது இறுதி சடங்குக்கு நேரில் வந்து அதிர்ச்சி கொடுத்த இளைஞர்… உறைந்து போன உறவினர்கள்…!

அர்ஜென்டினாவில் இளைஞர் ஒருவர் நான் உயிருடன் இருக்கிறேன் என்று கூறி இறுதி சடங்கிற்கு வந்த சம்பவம் அதிர்ச்சியை ஏற்படுத்தியுள்ளது. தென் அமெரிக்கா நாடான அர்ஜென்டினாவில் மது போதையில் இருந்த தனது 22 வயது மகன் காணாமல் போனதாக பெண் ஒருவர் போலீசில் புகார் அளித்துள்ளார். அந்த நேரத்தில் இளைஞர் ஒருவர் கரும்பு லாரி மோதி உடல் சிதைந்து உயிரிழந்து கிடந்த செய்தியும் வெளிவந்தது. இதனைத் தொடர்ந்து அவருடைய உடமைகள் மற்றும் சில உடல் அம்சங்களை கண்டு அது தன்னுடைய மகன் என்று அந்த பெண் அடையாளம் கூறியுள்ளார்.

இதனைத் தொடர்ந்து அவரது வீட்டில் இறுதி சடங்குக்கு ஏற்பாடு செய்யப்பட்டது. அந்த சமயத்தில் இறந்து விட்டதாக கூறிய இளைஞர் அங்கு வந்துள்ளார். இதனைக் கண்டு அங்கிருந்து அனைவருமே அதிர்ச்சியில் உறைந்து போனர். பிறகு போலீசார் அவரிடம் விசாரணை நடத்தியதில் பல நாட்களாக மதுபோதையில் இருந்ததாகவும் தான் இறந்து விட்டதாக கூறப்பட்டது தெரியாது என்றோம் அந்த இளைஞர் கூறியுள்ளார். பிறகு சவப்பெட்டியில் இருப்பது யார் என்று விசாரித்து உரியவரிடம் உடல் ஒப்படைக்கப்பட்டது. இந்த சம்பவம் அப்பகுதியில் பெரும் அதிர்ச்சியையும் பரபரப்பையும் கிளப்பியுள்ளது