நேபாள-சீனா எல்லைப்பகுதிகளில் “மனைவி விற்பனை” என்ற பெயரில் நடைபெறும் சட்டவிரோத மனிதக் கடத்தல் சம்பவங்கள் பெரும் அதிர்ச்சியை ஏற்படுத்தியுள்ளன. சீனாவில் நிலவும் பாலின விகிதக் குறைபாட்டினால், அந்நாட்டு இளைஞர்கள் நேபாளப் பெண்களைத் திருமணம் செய்து சீனாவுக்கு அழைத்துச் செல்கின்றனர். இவ்வாறு அழைத்துச் செல்லப்படும் பெண்கள், பின்னாட்களில் கட்டாய பாலியல் தொழில் மற்றும் மனிதக் கடத்தல் போன்ற கொடூரமான குற்றச்சம்பவங்களுக்கு இரையாக்கப்படுவதாகப் புகார்கள் எழுந்துள்ளன.
இந்த விவகாரம் விஸ்வரூபம் எடுத்துள்ள நிலையில், சீன தூதரகம் இது குறித்துப் பொதுமக்களுக்கு எச்சரிக்கை விடுத்துள்ளது. அங்கீகரிக்கப்படாத மற்றும் சட்டவிரோதமான ஆன்லைன் வரன் தேடல் சேவைகளை பொதுமக்கள் நம்ப வேண்டாம் என்றும், இத்தகைய மோசடி கும்பல்களிடம் எச்சரிக்கையாக இருக்குமாறும் அறிவுறுத்தப்பட்டுள்ளது. பாதிக்கப்பட்ட பெண்களை மீட்கவும், இந்தக் கடத்தல் பின்னணியில் உள்ளவர்களைக் கண்டறியவும் இரு நாட்டு அதிகாரிகளும் நடவடிக்கை எடுத்து வருகின்றனர்.