உத்தரபிரதேச மாநிலம் ஃபிரோசாபாத் மாவட்டத்தில் உள்ள ஷிகோஹாபாத்தில் ஒரு அதிர்ச்சியூட்டும் சம்பவம் வெளிச்சத்திற்கு வந்துள்ளது. இனம்பெண் ஒருவர் கான்ஸ்டபிளை காதல் வலையில் சிக்க வைத்துள்ளார். ஆனால் அந்த காவலர் தன்னை திருமணம் செய்து கொள்ள மறுத்ததால், அவரிடமிருந்து 10 லட்சம் ரூபாய் பணம் கேட்டு மிரட்டியுள்ளார். அப்படி செய்யாவிட்டால் அவரை பொய்யான வழக்கில் சிக்க வைத்து கொலை செய்வதாக மிரட்டியுள்ளார். நீதிமன்ற உத்தரவின் பேரில் பாதிக்கப்பட்ட காவலர் ஷிகோஹாபாத் காவல் நிலையத்தில் புகார் அளித்துள்ளார். அந்தப் பெண் தன்னை திருமணம் செய்து கொள்ளுமாறு காவலரை வற்புறுத்தியபோது, காவலர் அவளை திருமணம் செய்து கொள்ள மறுத்துவிட்டார். இதனால் கோபமடைந்த அந்த இளம்பெண் திருமணம் செய்து கொள்ள வேண்டும் அல்லது 10 லட்சம் ரூபாய் தர வேண்டும் என்று அழுத்தம் கொடுத்துள்ளார்.
மேலும் அவரின் கோரிக்கைகள் ஏதேனும் நிறைவேற்றப்படாவிட்டால், கான்ஸ்டபிளை கொன்றுவிடுவதாகவோ அல்லது போலி வழக்கில் சிறையில் அடைக்கவோ அப்பெண் குடும்பத்தோடு சேர்ந்து மிரட்டியுள்ளார். நீதிமன்ற உத்தரவின் பேரில் 9 மாதங்களுக்குப் பிறகு ஷிகோஹாபாத்தில் நடந்த இந்த சம்பவம் குறித்து பாதிக்கப்பட்ட கான்ஸ்டபிள் புகார் அளித்துள்ளார். இதனையடுத்து போலீசார் இந்த வழக்கை விசாரிக்கத் தொடங்கியுள்ளனர்.