ஹரியானா மாநிலம் பால்கவால் பகுதியில் உள்ள ராஜ்புரா கிராமத்தைச் சேர்ந்த சகுஃப்தா (25) என்ற பெண்ணும், அவரது ஒன்றரை மாதக் ஆண் குழந்தையும் வரதட்சணையாக எஸ்கார்பியோ SUV கார் கேட்டு மாமனார் வீட்டார் மற்றும் கணவரால் கழுத்தை நெரித்துக் கொடூரமாகக் கொலை செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது. 2023-இல் திருமணமான சகுஃப்தாவுக்குத் தொடர்ந்து வரதட்சணைக் கொடுமை வழங்கப்பட்டு வந்த நிலையில், சமீபத்தில் பஞ்சாயத்து பேசி ஏசி மற்றும் ரூ.50,000 பணம் கொடுத்து கணவர் வீட்டிற்கு அனுப்பி வைக்கப்பட்டார்.
இருப்பினும், கிராமத் தலைவரின் தூண்டுதலின் பேரில் ஆத்திரமடைந்த கணவர் சோஹில் மற்றும் அவரது குடும்பத்தினர், சகுஃப்தாவையும் அவரது குழந்தையையும் கழுத்தை நெரித்துக் கொலை செய்ததாகக் குற்றம் சாட்டப்பட்டுள்ளது. இச்சம்பவம் தொடர்பாக சகுஃப்தாவின் தந்தை அளித்த புகாரின் பேரில், கணவர் சோஹில் உட்பட 11 பேர் மீது BNS சட்டப்பிரிவுகளின் கீழ் வழக்குப் பதிவு செய்துள்ள காவல் துறையினர், கணவரைக் கைது செய்து தீவிர விசாரணை நடத்தி வருகின்றனர்.