ஐயோ… கொலையா?… தற்கொலையா?… வரதட்சணை கொடுமையால் இளம்பெண் பலி… நெஞ்சை பதறவைக்கும் சம்பவம்… போலீஸ் பரபரப்பு விசாரணை…!

ஃபரூக் நகரில் வரதட்சணை கொடுமை காரணமாக 25 வயது இளம் பெண் மர்மமான முறையில் உயிரிழந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. கடந்த செவ்வாய்க்கிழமை அன்று நிகழ்ந்த இந்தச் சம்பவத்தில், தனது மகளை கணவரும் அவரது குடும்பத்தினரும் அடித்துக் கொன்றுவிட்டதாக பெண்ணின் பெற்றோர் காவல்துறையில் தீவிர புகார் அளித்துள்ளனர்.

பெண்ணின் உடல்மீது காயங்கள் இருப்பதாகவும், வரதட்சணை கேட்டு அவர்கள் தொடர்ந்து துன்புறுத்தி வந்ததாகவும் குடும்பத்தினர் குற்றம்சாட்டியுள்ளனர். ஆனால், இந்த குற்றச்சாட்டுகளை மறுத்துள்ள கணவன் வீட்டார், பெண் விஷம் குடித்து தற்கொலை செய்து கொண்டதாக போலீசாரிடம் தெரிவித்துள்ளனர்.

இதையடுத்து, பெண்ணின் உடலை கைப்பற்றிய காவல்துறையினர் பிரேத பரிசோதனைக்கு அனுப்பி வைத்தனர். பிரேத பரிசோதனை அறிக்கையின் முடிவுகள் வந்த பிறகே மரணத்திற்கான உண்மையான காரணம் தெரியவரும் எனக் கூறியுள்ள போலீசார், இந்தச் சம்பவம் குறித்து தீவிர விசாரணை நடத்தி வருகின்றனர்.