திருமணமான நாளிலிருந்தே விலகி சென்ற கணவர்…! “குழந்தை வேண்டுமென்றால்….” சித்திரவதை அனுபவித்த பேராசிரியர் தற்கொலை…. பகீர் சம்பவம்…!!

பெங்களூரை சேர்ந்த புஷ்பவதி(26) என்பவர் கல்லூரியில் பேராசிரியராக வேலை பார்த்து வந்துள்ளார். கடந்த 11 மாதங்களுக்கு முன்பு புஷ்பவதிக்கு வேணு என்பவருடன் திருமணம் நடைபெற்றுள்ளது. கடந்த இரண்டு நாட்களுக்கு முன்பு புஷ்பவதி 8 நிமிட வீடியோ ஒன்றை ரெக்கார்ட் செய்து விட்டு அப்பகுதியில் உள்ள அணையில் குதித்து தற்கொலை செய்து கொண்டார்.

இது குறித்து போலீசார் நடத்திய விசாரணையில் திருமணமான நாளிலிருந்து வேணு புஷ்பவதியை விட்டு விலகி அவருடன் சேர்ந்து வாழ மறுப்பு தெரிவித்துள்ளார். தொடர்ந்து கணவர் வீட்டார் வரதட்சணை கேட்டு புஷ்பவதியை துன்புறுத்தி உள்ளனர் மேலும் குழந்தை வேண்டுமென்றால் கணவரின் சகோதரன் மூலமாக குழந்தை பெற்றுக் கொள் என கூறியதாக தெரிகிறது. அது மட்டுமில்லாமல் வேணுவின்  சகோதரரும் மன ரீதியாக புஷ்பவதியை தொந்தரவு செய்துள்ளார்.

கடந்த 15 நாட்களுக்கு முன்பு வேணு குடும்பத்தினர் புஷ்பவதியை உடல் ரீதியாக துன்புறுத்தியுள்ளனர். இது குறித்து காவல் நிலையத்தில் புகார் அளித்தால் வீட்டிற்குள் அனுமதிக்க மாட்டோம் என மிரட்டி உள்ளனர். இதனால் மன உளைச்சலில் புஷ்பவதி தற்கொலை செய்து கொண்டது தெரியவந்தது. இந்த விவகாரம் குறித்து போலீசார் விசாரணை நடத்தி வருகின்றனர்.