தனியாக வீட்டில் இருந்த இளம் பெண் ஒருவர், சந்தைக்குச் செல்வதற்காக ரேபிடோ பைக் சேவை மூலம் கேடிஎம் டியூக் பைக்கை புக் செய்துள்ளார். 5 கிலோமீட்டர் பயணித்து சந்தையை அடைந்ததும் ஓட்டுநர் ரூ.110 கட்டணம் கேட்டுள்ளார்.
அதற்கு அந்தப் பெண், “தற்போது என்னிடம் பணம் இல்லை, வீட்டிற்குச் சென்றதும் ஆன்லைனில் செலுத்துகிறேன்” என்று கூறியுள்ளார். ஆனால் உடனடியாகப் பணம் தர வேண்டும் என்று ஓட்டுநர் உறுதியாக நின்றதால், இருவருக்கும் இடையே சுமார் 2 நிமிடங்கள் வரை காரசாரமான வாக்குவாதம் ஏற்பட்டுள்ளது.
இறுதியில் அந்தப் பெண் ரூ.110 கட்டணத்தைச் செலுத்திய நிலையில், “கையில் பணம் இல்லாதபோது எதற்கு ரேபிடோ புக் செய்கிறீர்கள்?” என ஓட்டுநர் காட்டமாகக் கூறிச் சென்றுள்ளார். இச்சம்பவம் குறித்துச் சமூக வலைதளங்களில் நெட்டிசன்கள் பல்வேறு கருத்து தெரிவித்து விவாதித்து வருகின்றனர்.