“இறைவன் என் பக்தியை சோதித்து விட்டார்…” கண்ணனை பார்க்க சென்ற இளம் ஆன்மீக சொற்பொழிவாளர்… பயங்கர தீ விபத்தில் சிக்கிய சம்பவம்….!!

இந்தியாவின் மிக இள வயது ஆன்மீகச் சொற்பொழிவாளராகக் கருதப்படும் அபினவ் அரோரா, தனது பிறந்தநாளைக் கொண்டாடுவதற்காகக் குடும்பத்தினருடன் பிருந்தாவனத்திற்குச் சென்று கொண்டிருந்தபோது, அவர்கள் பயணித்த வாகனம் எதிர்பாராதவிதமாகப் பயங்கரத் தீ விபத்தில் சிக்கியது. சாலையில் கிடந்த செங்கற்கள் மீது கார் ஏறியதால், கண்ணிமைக்கும் நேரத்தில் இரண்டு டயர்களும் வெடித்துச் சிதறியதுடன், அலாய் வீல் உடைந்து காரின் மின்சார ஒயர்களில் தீப் பிடிக்கத் தொடங்கியது. சக்கரத்தில் இருந்து தீப்பிழம்புகள் வேகமாக எழும்பியதால் காரில் இருந்தவர்கள் பெரும் அதிர்ச்சியடைந்த போதிலும், நல்வாய்ப்பாக அனைவரும் எந்தவொரு காயமுமின்றிப் பத்திரமாக உயிர் தப்பினர்.

https://www.instagram.com/reel/DarkSHuTF4X/?utm_source=ig_web_copy_link&igsh=MzRlODBiNWFlZA==

இந்தத் திடுக்கிடும் விபத்தின் கடுமையான சூழலிலும், பிகாரி ஜியின் பேரருளால் மட்டுமே தாங்கள் அனைவரும் உயிர் பிழைத்ததாக ஆன்மீகச் சிறுவன் அபினவ் நெகிழ்ச்சியுடன் தெரிவித்துள்ளார். தனது பிறந்தநாளின் முதல் தருணத்தில் பிருந்தாவனக் கண்ணனைத் தரிசிக்க வேண்டும் என்ற தனது பிடிவாதத்தை நிறைவேற்றவே இறைவன் இந்தச் சோதனையை நிகழ்த்தியதாக அவர் சமூக வலைத்தளத்தில் பதிவிட்டுள்ளார். விபத்தின் கோரப் பதிவுகள் இணையத்தில் வெளியாகிப் பரபரப்பை ஏற்படுத்திய நிலையில், அனைத்துத் தடைகளையும் தாண்டி இறுதியாகத் திட்டமிட்டபடி கோயிலை அடைந்து இறைவனின் பாதங்களில் தனது பிறந்தநாள் வழிபாட்டை அவர் நிறைவு செய்துள்ளார்.