ஐயோ… கனடா செல்லவிருந்த இளம்பெண் படுகொலை… காதலியைக் கழுத்தை நெரித்துக் கொன்று… இளைஞர் எடுத்த பகீர் முடிவு… மும்பையில் அரங்கேறிய திக் திக் சம்பவம்…!

நவி மும்பையின் உல்வே பகுதியில் உள்ள ஒரு தனியார் தங்கும் விடுதியில் , உத்தரப் பிரதேசத்தைச் சேர்ந்த 24 வயது இளைஞர் தனது 23 வயது காதலியைக் கழுத்தை நெரித்துக் கொலை செய்துவிட்டுத் தானும் தற்கொலை செய்துகொண்டார். நவம்பர் 11 மற்றும் 12 ஆகிய தேதிகளுக்கு இடைப்பட்ட இரவில் இந்தத் துயரச் சம்பவம் நிகழ்ந்துள்ளது.

கனடாவில் உள்ள மருத்துவமனை ஒன்றில் பணிபுரிந்து வந்த அப்பெண், தீபாவளிப் பண்டிகைக்காக உல்வேயில் உள்ள தனது பெற்றோர் வீட்டிற்கு வந்திருந்தார். வியாழக்கிழமை அவர் மீண்டும் கனடா திரும்பவிருந்த நிலையில், அவரைச் சந்திப்பதற்காக உத்தரப் பிரதேசத்தைச் சேர்ந்த அந்த இளைஞர் உல்வே வந்து தங்கும் விடுதியில் அறை எடுத்திருந்தார். காதலனைச் சந்திக்க விடுதிக்குச் சென்ற அப்பெண் நீண்ட நேரமாகியும் வீடு திரும்பாததால், அவரது பெற்றோர் காவல் நிலையத்தில் புகார் அளித்தனர்.

புகாரின் அடிப்படையில் காவல்துறையினர் அப்பெண்ணின் செல்போன் சிக்னலை ஆய்வு செய்தபோது, அவர் அந்தத் தங்கும் விடுதியில் இருப்பது தெரியவந்தது. விடுதி அறையின் கதவைத் திறந்து பார்த்தபோது, அப்பெண் உயிரிழந்த நிலையிலும், அந்த இளைஞர் தூக்கிட்டுத் தற்கொலை செய்துகொண்ட நிலையிலும் சடலமாக மீட்கப்பட்டனர். முதலில் விபத்து மரணமாகப் பதிவு செய்த உல்வே காவல்துறையினர், பெண்ணின் தந்தை அளித்த புகாரின் பேரில் தற்போது கொலை வழக்காகப் பதிவு செய்து விசாரணை நடத்தி வருகின்றனர்