“நீங்களே இப்படி பண்ணலாமா…?” பதறிய பயிற்சி பெண் டாக்டர்… அத்துமீறி சிக்கிய மருத்துவர்… பரபரப்பு சம்பவம்…!!

திருவனந்தபுரம் அருகே உள்ள நெடுமங்காடு அரசு தாலுகா மருத்துவமனையில் பணியாற்றி வந்த பயிற்சி பெண் மருத்துவர் ஒருவருக்கு மூத்த டாக்டர் பாலியல் தொல்லை கொடுத்த சம்பவம் மருத்துவ வட்டாரத்தில் பெரும் கொந்தளிப்பையும் அதிர்ச்சியையும் ஏற்படுத்தியுள்ளது. மருத்துவமனையில் உயிர்காக்கும் சேவையில் ஈடுபட வேண்டிய மூத்த டாக்டர் ஒருவர், தன்னிடம் பயிற்சி பெற்று வந்த இளம் பெண் டாக்டரிடம் தொடர்ந்து அத்துமீறி நடந்து கொண்டதாகவும், பாலியல் தொல்லை கொடுத்து வந்ததாகவும் கூறப்படும் குற்றச்சாட்டு அப்பகுதியில் பெரும் பரபரப்பை ஏற்படுத்தியுள்ளது.

இந்தத் துயரச் சம்பவம் குறித்து பாதிக்கப்பட்ட பெண் டாக்டர் அளித்த புகாரின் அடிப்படையில், நெடுமங்காடு காவல் நிலையப் போலீசார் உடனடியாகத் தீவிர விசாரணை நடத்தி, பயிற்சி பெண் டாக்டருக்குப் பாலியல் தொல்லை அளித்த மூத்த டாக்டர் பினு (47) என்பவரை அதிரடியாகக் கைது செய்தனர். இதற்கிடையே, பெண் மருத்துவர் மீதான பாலியல் அத்துமீறல் விவகாரம் குறித்துத் தகவலறிந்த மாநில சுகாதாரத்துறை உடனடியாகத் தலையிட்டு, கைதான டாக்டர் பினுவை பணியிடை நீக்கம் செய்து அதிரடி உத்தரவு பிறப்பித்துள்ளது. மருத்துவமனை வளாகத்திலேயே பெண் டாக்டருக்குப் பாலியல் தொல்லை கொடுக்கப்பட்ட இந்தச் சம்பவம் சக மருத்துவ ஊழியர்கள் மற்றும் பொதுமக்கள் மத்தியில் கடும் ஆத்திரத்தை ஏற்படுத்தியுள்ள நிலையில், கைதான டாக்டர் மீது காவல்துறையினர் தீவிர விசாரணை மேற்கொண்டு வருகின்றனர்.