“கள்ளக்காதலனுடன் உல்லாசமாக இருந்த தாய்…” திருவிழாவிற்கு சென்று நள்ளிரவில் வீடு திரும்பிய மகன்… பின் நடந்த பரபரப்பு சம்பவம்…!!

திருநெல்வேலி மாவட்டம் எடுப்பல் கிராமத்தைச் சேர்ந்தவர் பாண்டி. இவரது மனைவி ரெஜினா(43). இந்த தம்பதியினருக்கு கொம்பையா(22), வினோத்(13) என்ற இரண்டு மகன்கள் உள்ளனர். கடந்த ஆறு ஆண்டுகளுக்கு முன்பு பாண்டி உயிரிழந்தார். இந்த நிலையில் ரெஜினாவுக்கும் அதே பகுதியில் வாலிபருக்கும் இடையே பழக்கம் ஏற்பட்டு கள்ளக்காதலாக மாறியது.

இதனை அறிந்த கொம்பையா தனது தாயை கண்டித்துள்ளார். நேற்று முன்தினம் பரப்பாடி அருகே தாமரைக் குளத்தில் நடைபெற்ற கோவில் கொடை விழாவிற்கு கொம்பையா சென்று விட்டு நள்ளிரவு வீடு திரும்பினார். அப்போது ரெஜினா தனது கள்ளக்காதலனுடன் அலங்கோல நிலையில் இருந்ததை கண்டு கொம்பையா அதிர்ச்சியடைந்தார்.

இதற்கிடையே கள்ளக்காதலன் அங்கிருந்து தப்பி சென்றார். பின்னர் தாய் மகனுக்கும் இடையே தகராறு ஏற்பட்டுள்ளது. இதில் கோபமடைந்த கொம்பையா சைக்கிளுக்கு காற்று அடிக்க பயன்படுத்தும் இரும்பு பம்பை எடுத்து ரெஜினாவின் தலையில் ஓங்கி அடித்தார்.

இதனால் ரத்த வெள்ளத்திலேயே அவர் சம்பவ இடத்தில் உயிரிழந்தார். இதுகுறித்து அறிந்த போலீசார் சம்பவ இடத்திற்கு சென்று ரெஜினாவின் உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இதுகுறித்து வழக்குபதிவு செய்த போலீசார் விசாரணை நடத்தி வருகின்றனர்.