ஜப்பானில் 60 வயது நடனக் கலைஞர் ஒருவர், தன்னைவிட 34 வயது இளையவரான 26 வயது மாணவரைத் திருமணம் செய்து கொண்ட நெகிழ்ச்சியான காதல் கதை இணையத்தில் வைரலாகி வருகிறது. கிழக்கு ஜப்பானின் இபராகி மாகாணத்தைச் சேர்ந்த இந்த பெண்மணி, பாரம்பரிய ஜப்பானிய நடனக் கலைக் குழுவான ‘சுபாகி’ (Tsubaki) என்பதை நடத்தி வருகிறார். மூன்று முறை விவாகரத்து பெற்று, கடந்த 20 ஆண்டுகளாகத் தனிமையில் வாழ்ந்து வந்த இவர், இனி தன் வாழ்வில் காதல் மலரவே செய்யாது என்று நம்பிக் கொண்டிருந்த நிலையில் தான் இந்த சுவாரசியமான திருப்பம் நிகழ்ந்துள்ளது.
இவர்களது சந்திப்பு ஒரு குரு-சிஷ்ய உறவாகவே தொடங்கியது. பாரம்பரிய ஜப்பானிய கலையில் ஆர்வமுள்ள அந்த 26 வயது இளைஞர், இந்தப் பெண்மணியின் நடனக் குழுவில் மாணவராகச் சேர்ந்தார். இருவரும் மேடை நாடகங்களில் காதலர்களாக நடித்தபோது, நிஜ வாழ்விலும் அவர்களுக்குள் ஈர்ப்பு ஏற்பட்டுள்ளது. அந்த இளைஞர் முதன்முதலில் அந்தப் பெண்ணின் கைகளைப் பிடித்தபோது, அவர்தான் தனது வாழ்க்கைத் துணை என்பதை உணர்ந்ததாகத் தெரிவித்துள்ளார். வெறும் மூன்று நாட்களிலேயே அந்தப் பெண் தனது விருப்பத்தை வெளிப்படுத்த, இவர்களது காதல் பயணம் அதிகாரப்பூர்வமாகத் தொடங்கியது.
இருப்பினும், இந்தத் திருமணத்திற்கு ஆரம்பத்தில் இளைஞரின் குடும்பத்தினர் கடும் எதிர்ப்பு தெரிவித்தனர். ஏனெனில், மணமகளின் வயது மணமகனின் தாயாரை விட 9 வயது அதிகம் என்பது குறிப்பிடத்தக்கது. ஆனால் அந்த இளைஞர், “நான் உங்களை என் வாழ்நாள் முழுவதும் கவனித்துக்கொள்வேன், முதுமையில் உங்கள் டயப்பர்களை மாற்றும் காலம் வந்தாலும் நான் கூடவே இருப்பேன்” என்று உருக்கமாகக் கூறி தன் காதலில் உறுதியாக இருந்துள்ளார். இறுதியில் குடும்பத்தினர் சம்மதத்துடன் கடந்த ஆண்டு டிசம்பரில் இவர்கள் திருமணம் செய்துகொண்டனர். தற்போது அந்த இளைஞரின் தாயார், தனது மருமகளை ஒரு மூத்த சகோதரியைப் போலப் பாவித்து வருவதாகவும், தங்கைமார்கள் அவரைத் தனது இரண்டாவது தாயாக மதிக்கத் தொடங்கிவிட்டதாகவும் அந்தத் தம்பதியினர் நெகிழ்ச்சியுடன் தெரிவித்துள்ளனர்.
நடக்க முடியாத தனது மாமனாரை மருமகள் ஒருவர் தன் தோளில் சுமந்து செல்லும் நெகிழ்ச்சியான வீடியோ காட்சி தற்போது இணையத்தில்…
திருவாரூர் மாவட்டம் திருத்துறைப்பூண்டியில் உள்ள தனியார் பள்ளியில், மூன்று வயது ப்ரீ-கேஜி மாணவன் ஆசிரியர் மற்றும் பள்ளி உதவியாளரால் தாக்கப்பட்ட…
மேற்கு வங்க மாநிலம் ஜார்கிராம் பகுதியைச் சேர்ந்த பிரபல பாம்பு பிடிப்பவரான ‘சர்பபந்து’ என்பவர், செவ்வாய்க்கிழமை இரவு நடைபெற்ற மானசா…
ஆசை வார்த்தை கூறி சிறுமியைப் பாலியல் வன்கொடுமை செய்து கர்ப்பமாக்கிய 55 வயது முதியவருக்கு, போக்சோ சிறப்பு நீதிமன்றம் கடுமையான…
மகாராஷ்டிரா மாநிலம் கோண்டியா மாவட்டத்தில் உள்ள வனப்பகுதியில் 35 வயதான வர்ஷா துர்கர் என்ற விமான நிறுவன ஊழியர் கொலை…
உத்தரப் பிரதேச மாநிலம் கான்பூரில் உள்ள சகேரி காவல் நிலைய எல்லைக்குட்பட்ட பகுதியில், மனிதநேயமற்ற அலட்சியத்தால் ஒரு துயரச் சம்பவம்…