அதிர்ச்சி.! “எனக்கு பேட்டிங் தரமாட்டியா?” சக வீரரை ஓட ஓட விரட்டித் தாக்கிய பேட்ஸ்மேன்.. மட்டையால் கொடூரமாக தாக்கும் வீடியோ வைரல்…!!

நேபாளத்தில் கிரிக்கெட் போட்டியின் போது வீரர்களுக்கு இடையே ஏற்பட்ட மோதல், மைதானத்தையே போர்க்களமாக மாற்றிய அதிர்ச்சிச் சம்பவம் சமூக வலைதளங்களில் வைரலாகி வருகிறது. விளையாட்டின் ஆர்வத்தில் அவ்வப்போது வீரர்களுக்குள் வாக்குவாதம் ஏற்படுவது வழக்கம் என்றாலும், சக வீரர் ஒருவரை கிரிக்கெட் மட்டையால் ஒரு இளைஞர் கொடூரமாகத் தாக்கியது காண்போரை உறைய வைத்துள்ளது. இந்தத் தாக்குதலின் போது மற்ற வீரர்களும், அங்கிருந்தவர்களும் பயத்தில் சிதறி ஓடும் காட்சிகள் அந்த வீடியோவில் பதிவாகியுள்ளன.

இந்தக் கோரத் தாக்குதலுக்கான காரணம் குறித்து வெளியாகியுள்ள தகவல்கள் மிகுந்த ஆச்சரியத்தை ஏற்படுத்தியுள்ளன. அந்த இளைஞருக்குத் தொடர்ந்து மூன்று போட்டிகளில் பேட்டிங் செய்ய வாய்ப்பு மறுக்கப்பட்டதாகக் கூறப்படுகிறது. இதனால் ஆத்திரமடைந்த அவர், மைதானத்தின் நடுவிலேயே சக வீரர் மீது தனது கோபத்தைக் காட்டியுள்ளார். கருப்பு நிற ஜாக்கெட் அணிந்திருந்த அந்த வீரரைத் தரையில் தள்ளி, கையில் இருந்த மட்டையால் இடைவிடாமல் சரமாரியாகத் தாக்கியுள்ளார். அடி தாங்க முடியாமல் அந்த வீரர் நிலைகுலைந்து போனது வீடியோவில் தெளிவாகத் தெரிகிறது.

தாக்குதலுக்கு உள்ளான வீரர் ஒரு கட்டத்தில் எழுந்து நின்று, தன்னைத் தாக்கிய இளைஞரை உதைத்தும் குத்தியும் திருப்பித் தாக்க முயன்றார். இருப்பினும், ஆத்திரம் தணியாத அந்த இளைஞர் மட்டையை ஆயுதமாகப் பயன்படுத்தித் தொடர்ந்து அவரைத் தாக்கினார். நேபாளத்தில் நடைபெற்றதாகக் கூறப்படும் இந்தச் சம்பவம் எந்த ஊரில் நடந்தது என்ற துல்லியமான விவரம் இன்னும் வெளிவராத நிலையில், விளையாட்டு உணர்வை மறந்து இவ்வாறு வன்முறையில் ஈடுபட்ட இளைஞருக்கு எதிராக இணையவாசிகள் கடும் கண்டனங்களைப் பதிவு செய்து வருகின்றனர்.