அடபாவேமே..! ஒரு குடும்பமே காலி… அதிவேகமாக மோதிய கார்… கண் இமைக்கும் நேரத்தில் நேர்ந்த கொடூரம்… நெஞ்சை உலுக்கும் சோகம்…!!

புதுச்சேரி குருமாம்பேட்டை பகுதியைச் சேர்ந்த தமிழ், அவரது மனைவி குணாவதி மற்றும் 8 வயது மகன் கீர்த்தன் குருபரன் ஆகியோர், திண்டிவனம் – புதுச்சேரி தேசிய நெடுஞ்சாலையில் வானூர் அருகேயுள்ள இரும்பை சந்திப்பு பகுதிக்கு ஸ்கேட்டிங் பயிற்சிக்காகச் சென்றுள்ளனர். பயிற்சியை முடித்துவிட்டு, அங்கு நிறுத்தி வைக்கப்பட்டிருந்த தங்களது இருசக்கர வாகனத்தில் அவர்கள் ஏற முயன்றபோது எதிர்பாராத விபத்து நேர்ந்துள்ளது.

அப்போது அவ்வழியாக காரைக்காலைச் சேர்ந்த ரஞ்சித்குமார் என்பவர் அதிவேகமாக ஓட்டி வந்த கார், இவர்கள் மீது பலமாக மோதியது. இந்த கோர விபத்தில் குணாவதி சம்பவ இடத்திலேயே பரிதாபமாக உயிரிழந்தார். பலத்த காயமடைந்த தமிழும் அவரது மகனும் உடனடியாக மீட்கப்பட்டு புதுச்சேரி ஜிப்மர் மருத்துவமனையில் தீவிர சிகிச்சைக்காக அனுமதிக்கப்பட்டனர்.

எனினும், மருத்துவமனையில் சிகிச்சை பலனின்றி தந்தையும் மகனும் உயிரிழந்தனர். இதனால் தாய், தந்தை மற்றும் குழந்தை என ஒரே குடும்பத்தைச் சேர்ந்த மூவரும் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. இச்சம்பவம் தொடர்பாக ஆரோவில் காவல்துறையினர் வழக்குப் பதிவு செய்து விசாரணை நடத்தி வருகின்றனர்.