டாக்டர்… என்னை கடிச்ச பாம்பு இதுதான்… ஹாஸ்பிட்டலுக்குள் பாம்பை தூக்கி வந்த வாலிபர்… வார்டுக்குள் நுழைந்ததால் அலறியடித்து ஓடிய நோயாளிகள்… பிரோசாபாத்தில் பரபரப்பு…!

பிரோசாபாத் பகுதியில் பாம்பு கடித்த வாலிபர் ஒருவர், அந்தப் பாம்பை சாதுரியமாகப் பிடித்து ஒரு பெட்டியில் அடைத்தார். மருத்துவர்கள் பாம்பின் வகையைக் கண்டறிந்து அதற்குரிய சரியான சிகிச்சையை அளிக்க வேண்டும் என்பதற்காக, அந்தப் பெட்டியுடன் அவர் அரசு மருத்துவமனைக்குச் சென்றார்.

ஆனால், மருத்துவமனைக்கு வந்தடைந்த சில நிமிடங்களிலேயே எதிர்பாராதவிதமாக அந்தப் பெட்டி திறந்துகொண்டது. பெட்டியிலிருந்து தப்பித்த பாம்பு, நோயாளிகள் தங்கியிருந்த வார்டை நோக்கி வேகமாகச் செல்லத் தொடங்கியது. இதனால் அங்கு சிகிச்சை பெற்று வந்த நோயாளிகளும் அவர்களுடைய உறவினர்களும் கடும் அச்சமடைந்து நாலாபுறமும் சிதறி ஓடினர்.

https://twitter.com/ashishpaswan0/status/2101158446385303652/video/1

இந்தச் சம்பவத்தால் மருத்துவமனை வளாகத்தில் சிறிது நேரம் பெரும் பரபரப்பும் குழப்பமும் நிலவியது. தகவலறிந்து வந்த ஊழியர்களும் வனத்துறையினரும் வார்டுக்குள் புகுந்த பாம்பைப் பத்திரமாகப் பிடிப்பதற்கான தீவிர முயற்சியில் ஈடுபட்டு வருகின்றனர்.