மும்பையின் பாந்த்ரா-வொர்லி கடற்பாலத்திலிருந்து கடலில் குதித்து தற்கொலை செய்ய முயன்ற 28 வயது இளைஞரை, சுங்கச்சாவடி ஊழியர்களும் காவல்துறையினரும் இணைந்து சாமர்த்தியமாக மீட்ட சம்பவம் பெரும் பரபரப்பை ஏற்படுத்தியுள்ளது.
கான்சோலி பகுதியைச் சேர்ந்த ரோஹன் கணேஷ் போஸ்லே என்ற அந்த இளைஞர், இரவு 10:30 மணியளவில் டேக்சி மூலம் கடற்பாலத்திற்கு வந்துள்ளார். வாகனத்திலிருந்து இறங்கிய அவர், பாலத்தின் தடுப்புச் சுவரைக் கடந்து கடலில் குதிக்கும் முயற்சியில் ஈடுபட்டுள்ளார்.
அதனைக் கண்ட சுங்கச்சாவடி ஊழியர்கள், பாதுகாவலர்கள் மற்றும் அங்கு பணியில் இருந்த காவல் ஆய்வாளர்கள் உடனடியாகச் செயல்பட்டு, அவரைத் தடுப்பின் விளிம்பிலிருந்து இழுத்து பிடித்து மீட்டனர். இந்த விறுவிறுப்பான மீட்புப் பணி தொடர்பான வீடியோ காட்சிகள் சமூக வலைதளங்களில் வெளியாகி வைரலாகி வருகின்றன.